Ditus 14:10 - BIBLIA - traduson antigu in Krioulo

¹⁰ Kada korson i kunsi si propi kasabi ku si kontentamentu; algin strañu ka pudi toma parti ku el.

Ditus 14:10 ပူးပေါင်းရင်းမြစ်များ

Kumsada 42:21

e fala ŋutru: “Na bardadi no na kastigadu pabia di no ermon. No oja kuma i foronta, kontra i na roganuba pa si vida, ma anos no ka obi. I pabia di kila ku e foronta bin riba di nos.”

2 Reis 4:27

Oca ku minjer ciga nunde omi di Deus, na monti, i pega si pe. Jeazi bin pa tiral, ma omi di Deus falal: “Disal, pabia i sta forontadu ku tristesa, ma SIÑOR ka mostran ke ku ten.”

Jo 10:1

“N kansa ku ña vida; N ka na tuji ña keŝa pa i sai libri vontadi; N na papia ku kasabi na ña korson.

Jo 21:25

Utru ta muri ku kasabi na si korson, i ka ciga di purba bon kusa.

Jo 7:11

“Asin N ka na kala; N na papia na foronta di ña spiritu, N na keŝa na ña kasabi.

Jo 9:18

I ka na dan tempu pa N da folgu, ma i na incin ku kasabi.

Salmus 25:14

SIÑOR ta konta si sigridu pa kilis ku rispital, i ta pui elis kunsi si kontratu.

Ditus 15:13

Korson kontenti ta fasi rostu bonitu, ma dur di korson i ta kebranta spiritu.

Ditus 18:14

Spiritu firmi di omi i na nguenta duensa, ma spiritu disanimadu, kin ku pudi nguental?

Ezekiel 3:14

Spiritu lantandan, i leban. N bai ku tristesa, turmentadu na ña spiritu, ma mon di SIÑOR staba forti riba di mi.

Bon Noba di Jesus Kristu ku Jon 12:27

“Gosi ña alma sta ku kasabi dimas. Ke ku N na fala? O nos N na fala: ‘Pape, salban de ora li’? Ma i pa e ora ku N bin mundu.

Bon Noba di Jesus Kristu ku Jon 14:18

“N ka na disa bos dingidu; N na riba pa bos.

Bon Noba di Jesus Kristu ku Jon 14:23

Jesus ruspundil: “Si algin aman, i ta obdisi ña palabra; ña Pape ta amal; no ta bin pa el, no mora ku el.

Filipensis 4:7

Asin, pas di Deus ku pasa tudu ntindimentu i ta guarda bo korson ku bo pensamentu na unidadi ku Kristu Jesus.

1 Pedru 1:8

Bo ka ciga di oja Jesus, ma bo amal. Bo ka na ojal gosi ma bo fia nel. E ku manda bo kontenti ku garandi alegria gloriosu ku ka pudi kontadu,

Apokalipsi 2:17

“‘Kin ku tene oreja, pa i obi ke ku Spiritu na fala igreẑas. Kil ku vensi, N na dal utru maná sukundidu. N na dal tambi pedra branku ku skirbidu nobu nomi ku ningin ka kunsi, son kil ku risibil.’

1 Samuel 1:10

Ana, ku kasabi na si korson, i ora pa SIÑOR, i cora ciu,

1 Samuel 1:15

Ana ruspundi i falal: “Nau Siñor, N ka cami. Ami i un minjer ku sta tristi dimas. N ka bibi nin biñu nin bibida forti, ma N darma ña korson dianti di SIÑOR.