Ditus 13:22 - BIBLIA - traduson antigu in Krioulo

²² Un bon omi ta disa yardansa pa fijus di si fijus, ma rikesa di algin mau i ta guardadu pa justu.

Ditus 13:22 ပူးပေါင်းရင်းမြစ်များ

Esdras 9:12

Asin, bo ka na da bo fijus femia pa e kasa ku se fijus, nin bo ka na toma se fijus femia pa e kasa ku bo fijus. Ka bo fasi pas ku elis nin ka bo juda elis pa kusas kuri elis diritu. Asin si bo obdisi e ordis, bo ta sedu forti, bo kume bon kusas di tera, bo fasi pa bo fijus pudi yardal pa sempri.’

Salmus 102:28

Fijus di bu servus na kontinua; se jorson na firmantadu bu dianti.”

Salmus 112:2

Si fijus na ten puder na tera, pabia jorson di omi retu na bensuadu.

Salmus 128:6

tambi pa bu oja fijus di bu fijus. Pas ta sta riba di Israel!

Salmus 37:25

N seduba nobu, ma gosi N beju; nunka N ka oja algin justu bandonadu, nin si fijus na pidi simola di kumida.

Ditus 17:6

Koroa di bejus i sedu se netus; fijus e ta sinti orgulyu di se papes.

Ditus 28:8

Kil ku ta ngaña si rikesa ku kobra juru ku splorason i na juntal pa algin ku ta pati koitadis.

Eklesiastis 2:26

Deus ta da jiresa, kuñisimentu ku kontentamentu pa omi ki bon si dianti, ma kil ku ta fasi pekadu, Deus ta pul pa i tarbaja, i junta, i ruma, pa i pudi da pa kin ku ta pui Deus kontenti. Es tambi i bakatela, i suma algin ku na serka bentu.