Ditus 12:8 - BIBLIA - traduson antigu in Krioulo

⁸ Si algin sedu jiru, i na ngabadu, ma kil ku tene menti tortu i na njutidu.

Ditus 12:8 ပူးပေါင်းရင်းမြစ်များ

Kumsada 41:39

I rabida i fala José: “Suma Deus fasiu sibi es tudu, i ka ten algin ntindidu o jiru suma bo.

Salmus 132:18

N na kubri si inimigus ku kunfuson, ma el, si koroa na sedu gloriosu.”

Ditus 1:26

Asin N na ri ora ku mal bin pa bos; N na fasi trosa ora ku garandi medu ciga pa bos,

Ditus 12:7

Jinti mau na kabadu ku el, ma familia di jinti justu na kontinua firmi.

Ditus 12:9

Minjor bu sedu algin umildi ma bu tene kriadus, te pa bu finji sedu algin garandi, ma bu ten falta di kumida.

Ditus 29:27

Justus ka pudi nguenta omi tortu; jinti mau ka pudi nguenta kil ku ta yanda na kamiñu retu.

Ditus 3:35

Jirus na yarda rispitu, ma tulus na ranja kunfuson pa se kabesa.

Ditus 5:23

I na bin muri pa falta di disiplina; i na yanda mal pabia di si garandi tulesa.

Eklesiastis 8:1

Kin ku sedu suma omi jiru? Kin ku pudi splika sintidu di kusas? Jiresa di omi ta pui si rostu kontenti, i ta muda ruñesa di si rostu.

Isaias 19:14

SIÑOR darma na se metadi un spiritu di tontura. E pui jinti di Ejitu na kunfuson na tudu ke na fasi, suma algin ku cami ku na da volta na si ramasadura.

Daniel 12:2

Manga del ku nteradu na con e na lanta, utrus pa vida ku ka ta kaba, utrus pa borgoña ku disprezu ku ka ta kaba.

Lukas 16:8

“Patron ngaba ki nkargadu malandru suma ki fasi kusa ku jiresa, pabia jinti de mundu li e jiru na trata kusas entri elis mas di ki jinti ku kunsi lus.

Atus 12:23

Na ki ora anju di Siñor batil, pabia i ka da Deus gloria. Bicus kumel, i muri.

1 Koríntius 4:5

Asin, ka bo julga antis di ora. Bo pera tok Siñor bin. I na pui na lus kusa ku sukundidu na sukuru. I na mostra kalkulus ku sta dentru di jinti. Dipus, Deus ta ngaba kada kin suma ki mersi.

2 Koríntius 10:18

Kil ku Siñor pensa ben del, el ku ta setadu; i ka kil ku ta ngaba si propi kabesa.

1 Samuel 13:13

Samuel fala Saul: “Bu fasi tulesa, bu ka obdisi mandamentu ku SIÑOR bu Deus dau. Si bu obdisiba, SIÑOR na konfirmaba bu renansa riba di Israel pa sempri,

1 Samuel 16:18

Un di rapasis ruspundi i fala: “N oja un fiju di Jesé di Belen ku sibi toka arpa. I algin di koraẑen ku sibi geria. I ta papia ben, i ten bon parsensa; SIÑOR sta ku el.”

1 Samuel 18:30

Ora ku ŝefis di filisteus sai pa elis, Davi mas ta ngaña kontra elis di ki tudu ŝefis di Saul; asin i tenba manga di fama.

1 Samuel 2:30

“E ku manda SIÑOR, Deus di Israel, fala kuma, na bardadi, i falaba kuma bu familia ku familia di bu pape na sirbi si dianti pa sempri, ma gosi SIÑOR fala: ‘Gosi ja N ka na seta e kusa! Kilis ku rispitan, N na rispita elis; kilis ku njutin, N na njuti elis.

1 Samuel 25:17

Pensa diritu, bu jubi ke ku bu dibi di fasi, pabia mufunesa garandi ten ku kai riba di no patron ku tudu si familia. El gora i un algin malvadu dimas; ningin ka pudi papia ku el.”