Ditus 12:25 - BIBLIA - traduson antigu in Krioulo

²⁵ Miskiñu na korson di omi i ta batil, ma bon palabra ta tisil kontentamentu.

Ditus 12:25 ပူးပေါင်းရင်းမြစ်များ

Salmus 38:6

N sta wuŋidu, N batidu dimas, N na yanda tudu dia N na miskiña.

Salmus 42:11

Ña alma, ke ku manda bu sta disanimadu? Pabia di ke ku bu sta tarpajadu dentru di mi? Pui bu speransa na Deus, pabia N na torna ngabal, kil ku sedu ña Salbadur, ña Deus.

Ditus 12:18

I ten utrus ku tene palabra suma ponta di spada, ma palabras di jiru ta da saudi.

Ditus 12:26

Un omi justu i gia pa si kumpañer, ma jinti mau ta pega na kamiñu ku na pui elis pa e yara.

Ditus 14:10

Kada korson i kunsi si propi kasabi ku si kontentamentu; algin strañu ka pudi toma parti ku el.

Ditus 15:13

Korson kontenti ta fasi rostu bonitu, ma dur di korson i ta kebranta spiritu.

Ditus 15:15

Jinti ku kalkadu e ta sta tristi kada dia, ma kil ku tene korson kontenti i tene sempri festa.

Ditus 15:23

Omi ta kontenti si i da bon rasposta; palabra sertu na si tempu propi i bon.

Ditus 15:30

Rostu kontenti ta tisi kontentamentu na korson; bon nobas ta tisi saudi pa os.

Ditus 16:24

Palabra sabi i suma bagus di mel, i ta sabi, i saudi pa os.

Ditus 17:22

Korson kontenti ta da saudi, ma spiritu kebrantadu i ta bin seka os.

Ditus 18:14

Spiritu firmi di omi i na nguenta duensa, ma spiritu disanimadu, kin ku pudi nguental?

Ditus 25:11

Palabra papiadu na ora sertu i ten balur suma fruta di uru na bandeẑa di prata.

Ditus 27:9

Suma oliu ku purfumu ta kontenta korson, asin ku amigu ta kontenti ku konsiju di amor.

Isaias 50:4

SIÑOR Deus dan un lingua ku nsinadu diritu, pa N sibi papia na tempu sertu un bon palabra pa kil ku sta kansadu. Tudu parmaña i ta dispertan, i ta disperta ña sintidu pa N pudi obi, suma kilis ku na nsinadu.

Zakarias 1:13

SIÑOR ruspundi ku bon palabras di konsolason pa anju ku na papiaba ku mi.