Ditus 12:20 - BIBLIA - traduson antigu in Krioulo

²⁰ Nganu sta na korson di kilis ku ta fasi planu mau, ma kilis ku ta tarbaja pa pas na ten kontentamentu.

Ditus 12:20 ပူးပေါင်းရင်းမြစ်များ

2 Kronikas 22:4

I fasi kusas mau na uju di SIÑOR, suma ku familia di Akab fasiba, pabia i elis ku seduba si konsijaduris dipus di mortu di si pape. Es lebal pa disgrasa.

Salmus 119:118

Bu ta nega tudu jinti ku ta disvia di bu regras, pabia se planus di nganu ka bali.

Ditus 12:12

Omis mau ta misti vivi di kusas ku utru jinti mau furta, ma rais di justu na padi si frutu.

Ditus 12:19

Kin ku ta konta bardadi i ta fika pa sempri, ma kin ku ta konta mintida ta tarda son un bokadu.

Ditus 12:21

Nin un kastigu ka na bin pa justu, ma jinti mau na oja manga di mal.

Jeremias 17:16

N ka teneba vontadi di sedu bakiadur di bu pobu. Bu sibi kuma N ka mistiba dia di kastigu. Kil ku sai na ña boka i sta na bu kuñisimentu.

Daniel 11:27

Ki dus rei na pui sintidu pa fasi mal. E na sinta na un mesa ma e na konta ŋutru mintida. E ka na purbita nada, pabia kabantada na ciga na tempu markadu.

Zakarias 6:13

El mesmu i na kumpu kasa di SIÑOR; i na dadu gloria suma rei, i na sinta na si tronu, i guberna. I na sedu tambi saserdoti na si tronu; i na junta ki dus tarbaju ku pas.’

Mateus 5:9

“Sortiadu i kilis ku ta pui pas na metadi di jinti, pabia e na comadu fijus di Deus.

Romanus 1:29

E inci ku tudu koldadi pekadu, maldadi, malisia ku kubisa; e inci tambi ku nveẑa, matansa, gera, nganu ku ruñesa;

Ebreus 12:14

Bo buska ten pas ku tudu jinti; bo buska tambi un vida puru, pabia sin el ningin ka na oja Siñor.