Ditus 11:4 - BIBLIA - traduson antigu in Krioulo

⁴ Rikesas ka bali na dia di raiba, ma vida justu ta libra di mortu.

Ditus 11:4 ပူးပေါင်းရင်းမြစ်များ

Kumsada 7:1

Dipus SIÑOR fala Noe: “Yentra na barku, abo ku tudu bu familia, pabia N ojau justu na metadi di jinti de tempu.

Jo 20:28

Korentis di yagu na leba rikesas di si kasa na dia di raiba di Deus.

Ditus 10:2

Rikesas ku ngañadu na tarpasa ka ta purbita nada, ma vida justu ta libra di mortu.

Ditus 12:28

Kamiñu di bondadi ta leba pa vida; na ki kamiñu mortu ka ten.

Ditus 6:34

Siumi di maridu na lantanda raiba forti; i ka na purda na dia ki na torna vingansa.

Isaias 10:3

Ma ke ku bo na fasi na dia di da konta, ora ku kastigu na bin di lunju? Pa kin ku bo na kuri pa oca sakur? Nunde ku bo na disa bo rikesa?

Ezekiel 14:14

Mesmu ku ki tris omi, Noe, Daniel ku Jo, e moraba na se metadi, elis pa se bondadi e na salba son se propi vida. Asin ku SIÑOR Deus fala.

Ezekiel 7:19

E na bota se prata na rua; se uru na sedu suma susidadi. Nin se prata nin se uru ka na pudi libra elis na dia di raiba di SIÑOR. E ka pudi usal pa mata se fomi nin pa inci se stomagu, pabia i el propi ku pui elis pa e kai na pekadu.

Sofonias 1:18

Nin se prata nin se uru ka na pudi libra elis na dia di raiba di SIÑOR, ma tudu mundu na kabadu ku el ku fugu di si siumi. Di repenti i na kaba ku tudu jinti ku na vivi na mundu.”

Mateus 16:26

Kal purbitu ku algin ta ten si i ngaña mundu ntidu, ma i pirdi si kabesa? O ke ku algin pudi da pa kumpra si alma?

Lukas 12:20

Ma Deus falal: ‘Tulu, e di noti li bu ten ku ntrega bu vida. Kil ku bu purpara, pa kin ki na sedu?’

Romanus 5:17

Pabia di pekadu di un omi, mortu bin rena pabia di ki algin, ma kil ku Deus pati i muitu mas garandi. Kilis ku risibi fabur ciu, e ojadu justu sin paga nada, e ta rena na vida pabia di un omi, ki Jesus Kristu.

1 Timótiu 4:8

Trenamentu di kurpu i ten sertu purbitu, ma trenamentu spiritual i ten purbitu pa tudu, pabia i ten purmesa pa e vida li, ku vida ku na bin.