Ditus 11:24 - BIBLIA - traduson antigu in Krioulo

²⁴ Kin ku ta da libri vontadi, i ta risibi kada bias mas; kin ku ta guarda mas di ki kil ki dibi di guarda, i ta fika mas koitadi.

Ditus 11:24 ပူးပေါင်းရင်းမြစ်များ

2 Kronikas 31:10

Azarias, ŝef di saserdotis di familia di Zadok, i falal: “Disna ku jinti kumsa na tisi ofertas pa kasa di SIÑOR, no ta kume no farta, no sobra ciu, pabia SIÑOR bensua si pobu. Asin tudu e ofertas e sobra inda.”

Salmus 112:9

I ta da ciu pa koitadis; si retidon na kontinua pa sempri; i na garandisidu ku gloria ku puder.

Ditus 11:18

Omi mau ta fika nganadu ku si pagamentu, ma kil ku ta sumia bondadi na risibi pagamentu sertu.

Ditus 11:23

Diseẑu di jinti justu ta da bon rusultadu, ma jinti mau ta pera son raiba.

Ditus 11:25

Kin ku ta da, kusas ta kuril diritu; kil ku ta juda i ta judadu.

Ditus 13:7

I ten omi ku ta finji sedu riku, ma nada i ka tene; utru ta finji koitadi, ma i tene manga di rikesa.

Ditus 19:17

Kin ku pati koitadi un kusa, i pista SIÑOR; SIÑOR na bin pagal si bondadi.

Ditus 28:27

Kin ku pati koitadis i ka na falta nada, ma kil ku fica uju pa elis, manga di jinti na maldisual.

Ditus 28:8

Kil ku ta ngaña si rikesa ku kobra juru ku splorason i na juntal pa algin ku ta pati koitadis.

Eklesiastis 11:6

Sumia bu simentera parmaña; di tardi ka bu diskansa bu mon, pabia bu ka sibi kal ku na padi, es o kila la, o si tudu dus na bali na mesmu.

Aẑeu 1:6

Bo sumia ciu, bo kebra puku; bo ta kume ma bo ka ta farta; bo ta bibi ma bo ka ta justanda; bo ta bisti ma bo ka ta kinti; bo ta risibi bo pagamentu, bo ta pul na saku furadu.

Malakias 3:8

“Nta un omi dibi di furta kusa di Deus? Ma abos, bo ta furta di mi. Dipus bo ta punta: ‘Na kal manera ku no ta furta di bo?’ “Na dizimus ku ofertas.

Lukas 6:38

Bo da, bo ta dadu. E ta kambia bos na panu midida incidu, kalkadu, sakudidu, tok i na darma, pabia ku mesmu midida ku bo midi, el ku bo na torna mididu ku el.”

Ripitison di Lei 15:10

Dal ku mon abertu; ka bu miskiña na bu korson ora ku bu na dal. Si bu da di bon korson, SIÑOR bu Deus na bensuau na tudu kil ku bu na fasi ku bu mon.