Ditus 10:4 - BIBLIA - traduson antigu in Krioulo

⁴ Mon prigisosu ta pui algin koitadi, ma mon ku ta tarbaja diritu ta tisi rikesa.

Ditus 10:4 ပူးပေါင်းရင်းမြစ်များ

Kumsada 26:32

Na ki mesmu dia, kriadus di Isak bai kontal di fonti ke kobaba, e falal: “No oja yagu!”

Ditus 10:5

Kil ku ta junta prudutu ora ki kusidu i fiju ntindidu, ma kil ku ta durmi na tempu di kebur i fiju di borgoña.

Ditus 11:24

Kin ku ta da libri vontadi, i ta risibi kada bias mas; kin ku ta guarda mas di ki kil ki dibi di guarda, i ta fika mas koitadi.

Ditus 12:24

Kil ku ta tarbaja ciu i ta bin manda; kil ku prigisosu i ta bin sedu katibu.

Ditus 12:27

Prigisosu ka na yasa karni di limaria ki montia, ma omi tarbajadur ta pui balur na kusas ki tene.

Ditus 13:4

Prigisosu ta misti, ma nada i ka ta yangasa; tarbajaduris e ta farta son.

Ditus 18:9

Kin ku ka ta fasi si tarbaju diritu i ermon di danadur.

Ditus 19:15

Prigisa ta pui algin na sonu fundu; nganadur ta bin sufri fomi.

Ditus 19:24

Prigisosu ta miti mon na pratu, ma i ta prigisa yalsal pa boka.

Ditus 20:13

Si bu ama sonu, bu na fika koitadi; yabri uju, bu ta kume, bu farta.

Ditus 20:4

Prigisosu ku ka labra na tempu propi, na tempu di kebur i ta misti, ma i ka ta oja.

Ditus 21:5

Algin ku fasi planu ku kudadi, i tarbaja diritu, i na tene ciu, ma kil ku fasi tudu ku turmenta i ta bin kai na koitadesa.

Eklesiastis 10:18

Si dunu di kasa i un prigisosu ku ka ta tarbaja ku mon, kankra na fraksi, kasa na cubi.

Bon Noba di Jesus Kristu ku Jon 6:27

Ka bo tarbaja pa kumida ku ta dana, ma bo tarbaja pa kumida ku ka ta dana, ku ta fika pa vida ku ka ta kaba, ku Fiju di omi na bin da bos, pabia Deus si Pape pui si karimbu riba del.”

1 Koríntius 15:58

Asin, ña kiridu ermons, bo sedu firmi; ka bo bulbuli; bo tene sempri vontadi na tarbaju di Siñor, suma ku bo sibi kuma, kusa ku bo fasi pa Siñor i ka amonton.