Ditus 10:21 - BIBLIA - traduson antigu in Krioulo

²¹ Boka di algin justu ta alimenta manga di jinti, ma tulus ta muri pa falta di ntindimentu.

Ditus 10:21 ပူးပေါင်းရင်းမြစ်များ

Jo 23:12

Nunka N ka lunjusi di si mandamentus; N da palabras di si boka mas balur di ki ña kumida.

Salmus 37:30

Boka di justu ta papia palabra di jiresa; si lingua ta papia kil ki sertu.

Ditus 1:29

E disgosta di kuñisimentu, e ka kuji rispitu pa SIÑOR.

Ditus 1:31

Asin e na risibi rusultadu di kusas ke fasi. Se planus pa mal na kai riba delis.

Ditus 1:32

Jinti simplis na muri pabia di se disviu. Jinti tulu ku pensa kuma e sta ben e na pirdi,

Ditus 10:11

Boka di algin justu i suma fonti di vida, ma violensia ta toma konta di boka di jinti mau.

Ditus 12:18

I ten utrus ku tene palabra suma ponta di spada, ma palabras di jiru ta da saudi.

Ditus 15:4

Palabra sabi i arvuri di vida, ma palabra tortu ta kebranta spiritu.

Ditus 15:7

Boka di jiru i ta darma kuñisimentu, ma korson di tulu ka ta fasi asin.

Ditus 17:16

Ke ki bali pena pa tulu tene diñeru pa kumpra jiresa, suma i ka ten ntindimentu?

Ditus 5:12

Bu na fala: “Jubi manera ku N kuriẑidu, ma N nega! N raprindidu, ma N njutil na ña korson!

Ditus 5:2

pa bu rakada ña avisu, pa bu boka mostra kuñisimentu.

Ditus 5:23

I na bin muri pa falta di disiplina; i na yanda mal pabia di si garandi tulesa.

Ditus 6:32

Kil ku dita ku minjer di utru omi i ka tene kabesa; i dana si propi vida.

Eklesiastis 12:11

Palabras di jinti jiru i suma mantampa na mon di bakiadur; se ditus juntadu i suma pregus ku fiksadu diritu. I ki un Bakiadur ku da elis pa nsinanu.

Isaias 5:13

Pabia di kila ña pobu na lebadu katiberasku pa falta di ntindimentu. Se jinti di rispitu na tene fomi; manga di jinti na muri di sedi.

Jeremias 15:16

Oca ku bu papia ku mi, N kume bu palabras; e dan kontentamentu ku pas na ña korson, pabia N comadu na bu nomi, o SIÑOR Deus ku ten tudu puder.

Jeremias 3:15

N na da bos ŝefis konformi ña korson ku na toma konta di bos ku kuñisimentu ku jiresa.”

Oseias 4:6

Ña pobu kabadu ku el pa falta di kuñisimentu. Suma ku bu nega kuñisimentu, ami tambi N negau pa bu ka sedu saserdoti ña dianti. “Suma ku bu diskisi di lei di bu Deus, ami tambi N na diskisi di bu fijus.

Mateus 12:35

Omi bon ta tira kusas bon na bon rikesa ku sta nel. Omi mau ta tira kusas mau di maldadi ku sta nel.

Mateus 13:19

Tudu kil ku obi palabra di renu, i ka ntindil, ki malvadu ta bin rabata kil ku sumiadu na si korson. Es i sintidu di kil ku sumiadu lungu di kamiñu.

Romanus 1:28

Suma ke ka mporta pa kunsi Deus, Deus tambi bandona elis pa pensamentu mau pa e fasi kusas ku ka bali.

1 Pedru 5:2

N na pidi bos pa bo toma konta di krentis na bo metadi, ku sedu karnel di Deus. I ka obrigason, ma di bo libri vontadi, suma ku Deus misti; i ka ku spiritu intereseru, ma ku diseẑu di sirbi.