Ditus 1:7 - BIBLIA - traduson antigu in Krioulo

⁷ Rispita SIÑOR i purmeru pasu pa kuñisimentu, ma tulus ta njuti jiresa ku nsinamentu.

Ditus 1:7 ပူးပေါင်းရင်းမြစ်များ

Jo 28:28

Deus fala omi: ‘Rispitu pa SIÑOR i jiresa; pa libra di fasi mal i ntindimentu.’ ”

Salmus 111:10

Rispitu pa SIÑOR i purmeru pasu pa jiresa; tudu jinti ku obdisi si ordis e na ten bon ntindimentu. Deus ten ku ngabadu pa sempri.

Ditus 1:22

“O tulus! Te kal tempu ku bo na ama tulesa? Abos trosaduris, te kal tempu ku bo na kontenti pa fasi trosa? Abos tulus, te kal tempu ku bo na disgosta di kuñisimentu?

Ditus 15:32

Kil ku nega si algin kuriẑil i ta njuti si kabesa, ma algin ku sukuta ora ki raprindidu i ta ngaña ntindimentu.

Ditus 15:33

Rispitu pa SIÑOR ta nsina jiresa. Algin ku misti rispitu i ten ku sedu umildi.

Ditus 15:5

Tulu, si si pape kuriẑil, i ta njuti, ma kil ku ta raprindidu i seta, el i ta mostra ntindimentu.

Ditus 18:2

Tulu ka ten interes na ntindi kusa diritu; i ta misti son tira si propi pensamentus.

Ditus 2:5

bu ta ntindi rispitu pa SIÑOR, bu ta oja kuñisimentu di Deus,

Ditus 23:9

Ka bu papia na oreja di tulu, pabia i na njuti jiresa di bu palabras.

Ditus 9:10

Rispita SIÑOR i purmeru pasu pa jiresa. Si bu kunsi ki Algin Puru, bu ten ntindimentu.

Eklesiastis 12:13

Na tudu ku bu obi, kusa importanti i es: Rispita Deus, bu obdisi si mandamentus, pabia es i kil ku tudu omi dibi di fasi.

Romanus 1:28

Suma ke ka mporta pa kunsi Deus, Deus tambi bandona elis pa pensamentu mau pa e fasi kusas ku ka bali.

Ripitison di Lei 4:6

Bo pui sintidu na obdisil, pabia es i na mostra jinti di utru nasons bo jiresa ku ntindimentu. Ora ke obi tudu e leis, e ta fala: “Ki nason garandi i sedu un pobu jiru ku ten ntindimentu.”