Ditus 1:31 - BIBLIA - traduson antigu in Krioulo

³¹ Asin e na risibi rusultadu di kusas ke fasi. Se planus pa mal na kai riba delis.

Ditus 1:31 ပူးပေါင်းရင်းမြစ်များ

Jo 4:8

Konformi kil ku N oja, jinti ku labra pekadu, e sumia mal, el ke na kebra.

Salmus 81:13

“A! Si ña pobu ta sukutanba! Si Israel ta seta yanda na ña kamiñus,

Ditus 12:14

Di palabra di si boka un omi ta farta di bon kusas; tambi i ta pagadu pa kusas ki fasi ku si mon.

Ditus 13:2

Omi ta kume bon kusas di frutu di si boka, ma kilis ku ka sedu fiel e ta misti son violensia.

Ditus 14:14

Omi infiel di korson na risibi ke ki mersi, ma omi bon na premiadu pa kil ki fasi.

Ditus 22:8

Kin ku sumia mal, mal ki na kebra; mantampa ki ta usa ku raiba i na kabadu ku el.

Ditus 5:22

Pekadus di omi mau i si armadilia; i ta pañadu ku kordas di si propi pekadu.

Ditus 5:23

I na bin muri pa falta di disiplina; i na yanda mal pabia di si garandi tulesa.

Ditus 8:36

Kil ku peka kontra mi i dana si propi vida; tudu kilis ku aburisin e misti mortu.”

Isaias 66:4

Asin ami N na kuji tratamentu duru pa elis, N na pui kusas ke medi pa e kai riba delis, pabia N coma, ningin ka kudi; N papia, ningin ka sukuta, ma e fasi mal ña dianti, e kuji kil ku N ka ta kontenti ku el.”

Jeremias 14:16

Jinti ke na anunsia pa elis e na botadu na ruas di Jerusalen pabia di fomi ku spada; i ka na ten kin ku na ntera elis, nin se minjeris, nin se fijus macu o femia. N na darma riba delis kastigu di se maldadi.

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Jeremias 21:14

N na kastiga bos konformi kusas ku bo ta fasi. N na sindi fugu na bo matu ku na kaba ku tudu ku sta na si roda. Asin ku ami, SIÑOR, N fala.’ ”

Jeremias 6:19

O mundu, obi! N na tisi mal riba de pobu, suma kastigu di se mau pensamentus, pabia e nega obi ña palabras, e ka obdisi ña lei.

Ezekiel 22:31

Pabia di kila N darma ña raiba riba delis pa i sedu fugu pa kaba ku elis. N pui kusas mau ke fasi pa e kai riba di se kabesa. Asin ku SIÑOR Deus fala.”