Daniel 9:26 - BIBLIA - traduson antigu in Krioulo

²⁶ Ora ku ki kuatrusentus i trinta i kuatru anu kaba, kil ku Deus kuji na matadu; i ka na tene nada. Pobu di un ŝef ku na bin e na kaba ku prasa ku kau sagradu. Si kabantada na sedu suma yagu di diluviu. Gera na ten te na fin. Garandi danu markadu.

Daniel 9:26 ပူးပေါင်းရင်းမြစ်များ

2 Samuel 21:5

E ruspundi e fala rei: “Ki omi mistiba kaba ku nos pa no ka pudi ojadu na nin un kantu di Israel.

Salmus 22:15

Ña forsa seku kan! Ña lingua pega na jinjirba; bu ditandan na reia di mortu.

Isaias 28:2

SIÑOR tene un omi ku ten forsa ku puder ki na manda pa bati ki con ku forsa, suma bentu forti di cuba di pedra ku ta dana kau, ku cuba garandi ku na inci kau ku yagu.

Isaias 28:22

Asin bo para fasi trosa, pa ka korenti ku bo na maradu ku el bida mas forti, pabia N obi ja na boka di SIÑOR Deus ku ten tudu puder aserka di disison ki toma pa dana tudu e tera.

Isaias 53:8

I prindidu, i julgadu; dipus i lebadu. Kin ku mporta ku si vida? Si vida kortadu na tera; i golpiadu pabia di mal ku ña pobu fasi.

Isaias 8:7

asin SIÑOR na bin tisi rei di Asiria riba delis ku tudu si ronku, suma yagu di riu Eufrates ku na kuri ku garandi forsa, i na inci riu tok i darma pa tudu ladu.

Jeremias 46:7

“Es i kin ku na bin suma riu Nilu, suma riu ku si yagu na turmenta?

Jeremias 51:42

Mar bin riba di Babilonia, i kubril ku turmenta di maron.

Daniel 11:10

Si fijus na purpara gera, e na junta manga di tropa. Un di ki fijus na bai kinti-kinti, suma korenti di yagu, i na pasa dianti, i leba gera te na kuartel di rei di sul.

Daniel 11:17

I na disidi bai ku tudu forsa di si renu, i na fasi akordu ku rei di sul, i na dal un bajuda pa kasamenti, ku na sedu manera di kaba ku renu di sul, ma ki planu ka na bin judal.

Daniel 11:22

Tropas ku na bin kontra el suma korenti e na pincadu, e na kabadu ku el, suma tambi ŝef di kontratu.

Daniel 11:36

“Ki rei di norti na fasi ke ki misti. I na lanta, i na yalsa si kabesa riba di tudu deusis, i na papia kusas fiu kontra ki Deus ku sta riba di deusis. Kusas na kuril diritu, tok tempu di raiba di Deus bin kompleta, pabia kil ku markadu ja i ten ku sedu.

Daniel 9:27

Ki ŝef na fasi kontratu firmi ku manga di jinti pa seti anu. Na metadi di ki anus i na kaba ku sakrifisius ku ofertas di kumida. Ki ŝef danadur na pui un kusa nujenti i meduñu na kau sagradu; ki kusa nujenti na fika la te fin markadu pa ki algin ku pul la bin ciga pa el.”

Oseias 1:9

SIÑOR fala Oseias: “Pul nomi di Lo-Ami, pabia abos i ka ña pobu, nin ami N ka sedu bo Deus.”

Amos 8:8

Pabia des, mundu na tirmi; tudu kilis ku mora nel na cora. Tera na lanta, i turmenta, i baŝa, suma riu Nilu la na Ejitu.

Amos 9:5

SIÑOR, SIÑOR ku ten tudu puder, i ta toka na tera; tera ta ribi; tudu jinti ku mora nel ta cora. Tudu tera ta subi, i kai, suma riu Nilu na Ejitu.

Naun 1:8

Ku garandi korenti di yagu i na kaba ku ki kau. I na serka si inimigus pa e bai pa sukuru.

Mateus 22:2

“Renu di seu i asin: Un rei fasi festa di kasamenti di si fiju.

Mateus 22:7

Rei obi e noba, i paña raiba; i manda si tropas pa e kaba ku ki mataduris, pa kema se prasa.

Mateus 23:38

Jubi bo kasa bandonadu!

Mateus 24:2

I fala elis: “Bo oja e kusas li tudu? Na bardadi N na konta bos kuma, pedra ka na bin fika riba di ŋutru ku ka na batidu.”

Markus 13:2

Jesus ruspundi, i falal: “Bu oja e kasas garandi? Nin pedra ka na fika riba di ŋutru ku ka na batidu.”

Markus 13:7

Ora ku bo obi baruju di gera pertu, ku noba di gera lunju, ka bo panta, pabia e kusas ten ku kontisi, ma inda i ka fin.

Markus 9:12

Jesus ruspundi, i fala elis: “Na bardadi, Elias na bin purmeru, pa pui tudu na ordi. Nta pabia di ke ku Skritura fala di Fiju di omi kuma i na sufri ciu, i na njutidu?

Lukas 21:24

E na matadu ku spada, e na lebadu prezu pa tudu nasons. Jintius na masa Jerusalen te ora ku se tempu kompleta.

Lukas 21:6

“E kusas ku bo na oja li, i na ciga dias ki ka na disadu nin un pedra riba di utru, ku ka na batidu.”

Lukas 24:26

Nta Kristu ka dibi di sufri e kusas pa i kumsa yentra na si gloria?”

Lukas 24:46

I fala elis: “I asin ki sta skritu, kuma Kristu tenba ku sufri; na terseru dia i ta lanta di mortu,

Bon Noba di Jesus Kristu ku Jon 14:30

N ka na papia ciu ku bos, pabia ŝef de mundu pertu ja; i ka tene nada riba di mi.

2 Koríntius 5:21

Kil ku ka fasi pekadu nunka, Deus fasil pa i sedu pekadu pabia di nos, pa no pudi sedu justu suma Deus, na no union ku Kristu.

Gálatas 3:13

Suma ku Kristu bida maldison pa nos, i kaplintinu di maldison ku lei tisi, pabia i sta skritu kuma, tudu kil ku pindradu na krus di madera i maldisuadu.

1 Pedru 2:21

I es propi ku Deus coma bos pa el, pabia tambi Kristu sufri pa bos, i disa bos isemplu pa bo yanda na si pe.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.