Daniel 9:25 - BIBLIA - traduson antigu in Krioulo

²⁵ “Obi, bu ntindi. Disna ku ordi sai pa torna kumpu Jerusalen te na tempu ku ki algin ciga ku Deus kuji pa i sedu rei, i na ten korenta i novi anu. Prasa na kumpudu ku stradas ku baletas; i na tarda pa kuatrusentus i trinta i kuatru anu, ma na un tempu di kansera.

Daniel 9:25 ပူးပေါင်းရင်းမြစ်များ

2 Samuel 15:25

Rei fala Zadok: “Torna leba arka di Deus pa prasa. Si N oja fabur dianti di SIÑOR, i na ribantan la pa N pudi oja arka ku lugar nunde ki ta sta nel,

Esdras 4:24

Obra di kasa di Deus na Jerusalen para te na sugundu anu ku Dariu na renaba riba di Persia.

Esdras 7:1

Dipus di manga di anu, na tempu ku Artaserksis seduba rei di Persia, i tenba un omi comadu Esdras, fiju di Seraias, fiju di Azarias, fiju di Ilkias,

Esdras 7:8

I ciga na Jerusalen na kintu mis di ki setimu anu di rei.

Neemias 3:1

Ŝef di saserdoti Eliasib ku si ermons saserdotis e lanta e kumpu porton di karnel, e pui si portas na lugar. E kontinua kumpu te na tori di Meá ku tori di Ananeel; e dedika kila tudu.

Neemias 4:2

i punta dianti di si kumpañeris ku tropas di Samaria: “Ke ku ki judeus fraku na fasi? Nta e na kumpu kau me? E na ngoda Deus ku sakrifisiu pa e pudi kaba tudu na un dia son? E na torna tira pedras ku bali na ki monton di reia tudu kemadu?”

Neemias 4:8

E ruma entri elis tudu pa bin geria kontra Jerusalen, pa pudi para ki tarbaju,

Neemias 6:15

Dipus di sinkuenta i dus dia di tarbaju, mura kaba na dia 25 di mis di Elul.

Salmus 71:10

Ña inimigus ta papia kontra mi; kilis ku na pera pa tiran vida e ta junta pa fasi planu.

Eklesiastis 3:3

tempu di mata, tempu di kura; tempu di durba, tempu di kumpu;

Isaias 55:4

N pul pa i sedu suma tustumuña pa nasons, suma ŝef o gubernadur riba delis.

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Daniel 8:11

I mistiba disafia ŝef di tropas di seu, tok i kaba ku ki sakrifisiu ku ta fasidu pa el kada dia; kau sagradu di ŝef di tropas batidu na con.

Daniel 8:25

Ku si jiresa i na pui pa nganu vensi. Dipus i na sinti orgulyu na si korson. I na kaba ku manga di jinti sin avisu. I na lanta kontra Rei mas garandi di tudu, ma i na kebradu sin ajuda di mon di omi.

Daniel 9:23

Oca ku bu kumsa bu pididus, rasposta i dadu. N bin pa kontau el, pabia Deus amau ciu. Asin, pui sintidu na palabra, pa bu pudi ntindi ki vison.

Mikeias 5:1

Prasa di Jerusalen, junta bu tropas, pabia e tajanu; e na bin suta ŝef di Israel na kara ku manduku.

Mikeias 5:2

SIÑOR fala: “Abo, Belen Efrata, nin ku bu sedu pikininu na metadi di milyaris di Judá, na bo ki na bin sai pa mi kil ku na sedu ŝef na Israel, ku si kumsada sedu disna di tempus mas antigu ku pasa.”

Mateus 13:23

Kil ku sumiadu na bon terenu, es i si sintidu: i kil ku obi palabra, i ntindil. I ta padi frutu; un ta padi sen, utru sesenta, utru trinta bias mas di ki kil ku sumiadu.”

Mateus 24:15

(Kin ku na lei, pa i buska ntindi e kusa.) “Ora ku bo oja na lugar santu ki ‘nujentimenti meduñu’ ku anunsiadur Daniel fala del,

Markus 13:14

(Kin ku lei e palabra, pa i buska ntindil.) “Ora ku bo oja ki ‘nujentimenti meduñu’ na lugar ki ka dibi di sta nel, kilis ku sta na Judeia pa e kuri pa montis.

Bon Noba di Jesus Kristu ku Jon 1:41

Purmeru kusa ki fasi, i bai oja si ermon Simon, i falal: “No oja Mesias.” (E palabra signifika Kristu.)

Bon Noba di Jesus Kristu ku Jon 4:25

Minjer falal: “Ami N sibi kuma Mesias” (ku ta comadu Kristu) “i na bin; ora ki bin i na kontanu tudu.”

Atus 3:15

Bo mata Dunu di vida, ma Deus lantandal di mortu. Anos no sedu tustumuñas de kusa.

Atus 5:31

Deus yalsal pa i sta na si mon direita, pa i sedu Ŝef ku Salbadur, pa da Israel manera di ripindi, pa se pekadu purdadu.

Atus 8:30

Filip kuri, i obil i na lei libru di anunsiadur Isaias; i puntal si i ntindi ke ki na lei.

Efésius 5:16

Bo purbita pa fasi tudu ku bo pudi, pabia no sta na mau tempu.

Apokalipsi 1:5

ku Jesus Kristu ku sedu fiel tustumuña, purmeru ku lanta di mortu, ku sta riba di reis di tera. I el ku amanu, ku si sangi i libertanu di no pekadu,

Apokalipsi 19:16

Na si ropa, riba di si koŝu, i skirbidu e nomi: Rei riba di tudu reis, Siñor riba di tudu siñoris.