Daniel 9:19 - BIBLIA - traduson antigu in Krioulo

¹⁹ O SIÑOR, obinu! O SIÑOR, purdanu! O SIÑOR, obinu, bu fasi kualker kusa. O ña Deus, ka bu tarda, pa amor di bu nomi, pabia bu prasa ku bu pobu e ta comadu pa bu nomi.”

Daniel 9:19 ပူးပေါင်းရင်းမြစ်များ

2 Kronikas 6:21

Obi ña orason, ku orason di bu pobu Israel ora ke vira rostu pa e lugar, e ora. La na seu nunde ku bu mora, obinu, bu purdanu.

2 Kronikas 6:39

la na seu, nunde ku bu sinta, bu ta obi se orason ku se pididu, bu difindi se kasu, bu purda bu pobu ku peka kontra bo.

Isaias 43:7

tudu kilis ku comadu pa ña nomi, ku N kumpu pa ña gloria; i ami propi ku forma elis, N kumpu elis.”

Jeremias 14:7

O SIÑOR, mesmu ku no pekadu i na akusanu, fasi kualker kusa pa amor di bu nomi. No disvia manga di bias, no peka kontra bo.

Jeremias 14:9

Ke ku manda bu sedu suma algin ku surprindidu, suma tropa ku ka pudi salba jinti? O SIÑOR, bu sta na no metadi; no tene bu nomi; ka bu bandonanu!

Jeremias 25:29

N kumsa kastiga ki prasa ku comadu pa ña nomi; abos gora bo na fika sin kastigu? Nau, bo ka na fika sin kastigu, pabia ami, SIÑOR ku ten tudu puder, N coma spada pa i bin riba di tudu moraduris di mundu.’

Ezekiel 20:14

ma, pa amor di ña nomi, N bin disa, pa ka ña nomi bin danadu na uju di nasons ku N tira dianti di Israel.

Ezekiel 20:22

Ma N ka bin fasil; pa amor di ña nomi N disa, pa ka ña nomi bin danadu na uju di nasons ku N tira se dianti.

Ezekiel 20:9

Ma pa amor di ña nomi N bin disa, pa ka ña nomi bin danadu na uju di nasons ke staba na se metadi, pabia i se dianti ku N pui Israel kunsin, pa tira elis na tera di Ejitu.

Ezekiel 36:22

“Pabia di kila, fala pobu di Israel kuma, asin ku SIÑOR Deus fala: ‘Pobu di Israel, i ka pa amor di bos ku N na fasi es, ma i pabia di ña nomi sagradu ku bo dana na metadi di nasons nunde ku bo bai nel.

Ezekiel 39:25

Asin ku SIÑOR Deus fala: “N na torna tisi fijus di Jakó ku staba na katiberasku, N na sinti pena di tudu pobu di Israel. N na difindi ña nomi santu.

Daniel 9:18

O Deus! Mpina bu oreja, bu obi; yabri bu uju, bu jubi prasa ku ta comadu pa bu nomi, manera ki danadu. No ka na pui no pididus dianti di bo ku fiansa kuma anos i justu, ma no fiansa na bu garandi miserikordia.

Amos 7:2

Dipus di ki gamfañotis kaba kume tudu paja na tera, N fala: “SIÑOR Deus, purda! Kuma ku jorson di Jakó pudi torna lanta? El i pikininu!”

Numerus 14:19

Konformi garandesa di bu amor, purda pekadu de pobu, suma ku bu purda elis desdi tera di Ejitu te li.”

Numerus 6:27

“De manera e na pui ña nomi riba di fijus di Israel; asin ami N na bensua elis.”

Lukas 11:8

N na fala bos kuma, nin ki ka lanta pa dal pabia i si amigu, ma suma el i sekenti, i na lanta, i dal tudu ki misti.

Atus 15:17

pa jinti di utru nasons buska Siñor, tudu jintius ku N coma ña nomi riba delis. Asin ku Siñor fala, ku fasi tudu e kusas

Efésius 1:12

pa si gloria pudi ngabadu pabia di nos ku sedu purmeru ku pui no speransa na Kristu.

Efésius 1:6

No ngaba Deus pa si oferta gloriosu ki danu di grasa na si Fiju amadu.

Efésius 3:10

pa ŝefis ku otridadis na mundu selestial, ora ke jubi pa igreẑa, e pudi rapara jiresa di Deus ku ten manga di forma.