Daniel 8:5 - BIBLIA - traduson antigu in Krioulo

⁵ Oca ku N na jubiba, di repenti i sai un kabra macu na ladu di kaida di sol. I pasa kinti-kinti riba di tudu tera suma ki na bua, sin toka pe na con. Ki kabra macu teneba un cifri garandi na metadi di si uju.

Daniel 8:5 ပူးပေါင်းရင်းမြစ်များ

Daniel 11:3

Dipus un rei di gera na lanta, i na rena ku garandi puder, i na fasi kil ki misti.

Daniel 2:32

Kabesa di ki statua i seduba di uru finu, si pitu ku si brasus i di prata, si bariga ku si rabada i di kobri,

Daniel 2:39

“Dipus di bo i na lanta utru renu ku ka na sedu garandi suma di bo. Dipus i na ten un terseru renu, di kobri, ku na bin manda na tudu mundu.

Daniel 7:6

Dipus di kila, N kontinua na jubi, N oja utru limaria ku parsi ku leopardu, ku teneba kuatru asa di kacu na si kostas. E limaria teneba kuatru kabesa; i dadu puder pa manda.

Daniel 8:21

Ki kabra macu ku manga di kabelu i rei di Gresia. Cifri garandi na metadi di si uju i si purmeru rei.

Daniel 8:6

I bai pa ki karnel ku teneba dus cifri, ku N ojaba lungu di riu, i kuri kontra el ku tudu si forsa.

Daniel 8:8

Ki kabra macu mostra si garandesa, ma ocal na si forsa mas altu, si cifri garandi kebradu. I nasi na ki lugar kuatru cifri garandi; un bai pa norti, utru pa sul, utru pa lesti, utru pa kaida di sol.