Daniel 8:22 - BIBLIA - traduson antigu in Krioulo

²² Ki kuatru cifri ku lanta na lugar di kil ku kebradu i kuatru renu ku na bin lanta na mesmu nason, ma e ka na ten forsa suma kil di purmeru.

Daniel 8:22 ပူးပေါင်းရင်းမြစ်များ

Daniel 11:4

Ora ki sta ben firmi, si renu na kebradu, i na rapatidu na kuatru parti, na norti, sul, lesti ku kaida di sol. Reis ku ka sai na si jorson na toma si lugar, ma e ka na ten ki puder ku el i tenba, pabia si renu na rinkadu, i na pasa pa utrus.

Daniel 7:6

Dipus di kila, N kontinua na jubi, N oja utru limaria ku parsi ku leopardu, ku teneba kuatru asa di kacu na si kostas. E limaria teneba kuatru kabesa; i dadu puder pa manda.

Daniel 7:7

Dipus di kila, N kontinua na jubi na ki visons di noti; N oja kuartu limaria meduñu, ku ta pui algin panta, forti dimas. I teneba dintis garandi di feru, i ta kebra-kebraba kil ki paña, i ta ngulil, i ta masa ku pe kil ku sobra. I seduba diferenti di tudu limarias ku bin purmeru. I teneba des cifri.

Daniel 8:21

Ki kabra macu ku manga di kabelu i rei di Gresia. Cifri garandi na metadi di si uju i si purmeru rei.

Daniel 8:23

“Na kabantada di se renansa, ora ku pekadu di jinti ciu dimas, un rei na bin lanta, ku rostu duru, ku sedu garandi nganadur.

Daniel 8:3

N yalsa uju, N oja un karnel macu ku firma lungu di riu, ku teneba dus cifri kumpridu. Kil ku kumsa kirsi na ultimu i bin sedu mas kumpridu di ki ki utru.

Daniel 8:8

Ki kabra macu mostra si garandesa, ma ocal na si forsa mas altu, si cifri garandi kebradu. I nasi na ki lugar kuatru cifri garandi; un bai pa norti, utru pa sul, utru pa lesti, utru pa kaida di sol.

Zakarias 6:1

Utru bias N yalsa uju, N oja kuatru karu ku sai na metadi di dus monti di bronzi.