Daniel 8:19 - BIBLIA - traduson antigu in Krioulo

¹⁹ i falan: “N na kontau ke ku na bin sedu na kabantada, na tempu di raiba di Deus, pabia e vison i sta ligadu ku tempu markadu di kabantada.

Daniel 8:19 ပူးပေါင်းရင်းမြစ်များ

Salmus 102:13

Bu na lanta, bu sinti pena di Sion; pabia tempu markadu pa mostral fabur i ciga ja.

Daniel 11:27

Ki dus rei na pui sintidu pa fasi mal. E na sinta na un mesa ma e na konta ŋutru mintida. E ka na purbita nada, pabia kabantada na ciga na tempu markadu.

Daniel 12:4

Abo, Daniel, guarda e palabras suma sigridu, bu fica libru bu selal te na kabantada di tempu. Manga di jinti na kuri di un ladu pa utru pa buska buri ntindimentu.”

Daniel 8:23

“Na kabantada di se renansa, ora ku pekadu di jinti ciu dimas, un rei na bin lanta, ku rostu duru, ku sedu garandi nganadur.

Abakuk 2:3

Pabia vison i ka pa gosi, ma i pa un tempu markadu. Si tempu na ciga, i ka na maina. Si i tarda, peral, pabia di sertesa i na bin, i ka na tarda.

Lukas 21:23

Koitadi di preñadas, ku kilis ku na mamanta na ki dias, pabia i na ten garandi kansera na tera; raiba na kai riba de pobu.

Apokalipsi 1:1

E libru i kusas aserka di Jesus Kristu, ku Deus dal pa i pudi mostra si servus kusas ku ka na tarda pa sedu. I manda si anju pa i konta si servu Jon.

Apokalipsi 10:7

Ora ku dia ciga pa setimu anju toka si korneta, Deus ta fasi suma ki marka na si planu sukundidu, suma ki konta si servus anunsiadur.

Apokalipsi 11:18

Nasons paña raiba, ma dia di bu vinga ciga. I tempu ja pa mortus julgadu, tempu pa bu paga bu servus anunsiadur, ku bu pobu, ku kilis ku rispita bu nomi, pikininus ku garandis; i tempu pa bu dana ki jinti ku dana tera.”

Apokalipsi 15:1

N oja na seu utru sinal garandi di dimira: seti anju ku teneba seti kastigu di kabantada ku ta kompleta raiba di Deus.

Apokalipsi 17:17

pabia Deus pui na se korson pa e fasi ke ki teneba na si sintidu pa fasi; i pui elis pa e ten un sintidu son, pa e ntrega besta se otridadi, tok kil ku Deus fala bin sedu.