Daniel 8:15 - BIBLIA - traduson antigu in Krioulo

¹⁵ Ami, Daniel, dipus ku N oja ki vison, N buska ntindil. Di repenti i bin ña dianti un algin ku parsi ku omi.

Daniel 8:15 ပူးပေါင်းရင်းမြစ်များ

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Daniel 10:16

Ki anju, ku parsi ku omi, i tokan na boka. Ña boka yabri, N kumsa na papia, N fala ki algin ku staba ña dianti: “Siñor, ki vison ku N oja i fasin dur; N ka ten nin forsa.

Daniel 10:18

Asin, kil ku parsi ku omi i torna tokan, i dan forsa.

Daniel 10:5

N yalsa uju, N oja un omi ku bisti ropa di liñu, maradu ku sintu di uru finu di Ufaz.

Daniel 12:8

N obi ke ki fala, ma N ka ntindi. Asin N puntal: “Siñor, kuma ku e kusas na bin sedu na kabantada?”

Daniel 7:13

Na ña visons di noti, N fika N na jubi, N oja un algin suma fiju di omi ku na bin na nuvens di seu. I bai pa kil ku staba sempri bibu, i pursentadu si dianti.

Daniel 7:28

Asin ku ña vison kaba. Ami, Daniel, ña pensamentus pantandanba ciu, tok ña rostu muda, ma N guarda e kusas tudu dentru di ña korson.

Daniel 8:1

Na terseru anu di renansa di Belsazar, ami, Daniel, N teneba vison, dipus di ki utru ku N teneba purmeru.

Daniel 8:19

i falan: “N na kontau ke ku na bin sedu na kabantada, na tempu di raiba di Deus, pabia e vison i sta ligadu ku tempu markadu di kabantada.

Zakarias 1:9

N punta: “SIÑOR, esis i kin?” Anju ku na papiaba ku mi falan: “Ami N na bin mostrau kin ke sedu.”

Mateus 13:36

Dipus ku Jesus dispidi jinti, i yentra na kasa. Si disipulus bai pa el, e falal: “Kontanu sintidu di komparason di arus brabu na lugar.”

Mateus 24:15

(Kin ku na lei, pa i buska ntindi e kusa.) “Ora ku bo oja na lugar santu ki ‘nujentimenti meduñu’ ku anunsiadur Daniel fala del,

Mateus 24:30

Ki ora i na ojadu na seu sinal di Fiju di omi. Tudu rasa na mundu na cora; e na oja Fiju di omi na bin riba di nuvens di seu, ku puder ku garandi gloria.

Markus 13:14

(Kin ku lei e palabra, pa i buska ntindil.) “Ora ku bo oja ki ‘nujentimenti meduñu’ na lugar ki ka dibi di sta nel, kilis ku sta na Judeia pa e kuri pa montis.

Markus 4:12

pa e fasi suma Skritura fala: ‘E pudi jubi, ma e ka na rapara; e pudi obi, ma e ka na ntindi. Si i ka asin, e ta rabida pa Deus; i ta purda elis se pekadu.’ ”

Josué 5:14

I ruspundil: “Nin un nin utru, ma N bin suma kumandanti di tropas di SIÑOR.” Josué mpina ku rostu pa con, i adoral, i puntal: “Ña Siñor, ke ku bu ten pa fala bu servu?”

Apokalipsi 1:13

Na metadi di kanderus i staba un algin ku parsi omi; i bisti un ropa kumpridu te na pe, i mara sintu di uru riba di pitu.

Apokalipsi 13:18

Es pirsisa di jiresa. Kil ku ten ntindimentu i pudi kalkula numeru di besta, pabia i numeru di un omi. Si numeru i 666.