Daniel 8:14 - BIBLIA - traduson antigu in Krioulo

¹⁴ N obi rasposta ku fala: “Te 2.300 di tardi ku parmaña, ku sedu 1.150 dia. Dipus kau sagradu na purifikadu.”

Daniel 8:14 ပူးပေါင်းရင်းမြစ်များ

Kumsada 1:5

Deus coma lus “di dia”, i coma sukuru “di noti”. Ki di tardi ku parmaña i sedu dia di kumsada.

Isaias 1:27

Justisa na liberta Sion; vida retu na liberta kilis ku ripindi,

Isaias 45:25

Tudu jorson di Israel na ojadu justu, e na njata na SIÑOR.

Daniel 12:11

“Disna di tempu ku sakrifisiu di kada dia tiradu, ki kusa nujenti i meduñu pudu, i na ten 1.290 dia.

Daniel 12:12

Sortiadu i kil ku ten speransa, i bibu inda tok i kompleta 1.335 dia.

Daniel 12:7

Ki omi ku bisti ropa di liñu, ku staba riba di yagu di riu, i yalsa mon direita ku skerda pa seu. N obi i jurmenta na nomi di kil ku bibu pa sempri, i fala: “I na sedu tris anu i meiu. Ora ke kaba dana puder di pobu di Deus, tudu e kusas na sta kompletu.”

Daniel 7:25

I na papia palabra mau kontra Deus ku sta riba di tudu, i na kansa pobu di Deus, i na tenta muda lei ku tempus sagradu. Pobu di Deus na ntregadu na si mon tris anu i meiu.

Daniel 8:26

“Ki vison aserka di 2.300 di parmaña ku di tardi ku bu kontadu, i bardadi, ma bu na guarda ki vison na sigridu, pabia i na fala di dias ku lunju inda.”

Gálatas 3:8

Skritura jumna mostra kuma, Deus ta fasi jintius justu si dianti pabia di se fe, suma ku Deus konta Abraon Bon Noba kuma, tudu nasons ten ku sedu bensuadu pabia del.

Apokalipsi 11:15

Setimu anju toka si korneta. I obidu manga di vos forti na seu, ku fala: “Puder pa manda riba di mundu i pasa ja pa no Siñor ku si Kristu; i na rena pa tudu sempri.”

Apokalipsi 12:14

Ma minjer dadu dus asa di un agia garandi pa i bua, i bai pa lala, pa si lugar nunde ki na sustentadu tris anu i meiu, lunju di uju di serpenti.

Apokalipsi 13:5

I disadu papia palabras di njatamentu ku palabra mau kontra Deus. I dadu puder pa manda korenta i dus mis.