Daniel 7:9 - BIBLIA - traduson antigu in Krioulo

⁹ Oca ku N kontinua jubi, tronus pudu na se lugar. Kil ku staba sempri bibu ciga, i sinta. Si ropa seduba branku fandan; kabelu di si kabesa i suma algadon. Si tronu seduba ŝamas di fugu, i teneba rodas di fugu ku na yardi.

Daniel 7:9 ပူးပေါင်းရင်းမြစ်များ

1 Reis 22:19

Mikaias kontinua i fala; “Sukuta palabra di SIÑOR. N oja SIÑOR sintadu na si tronu; tudu tropas di seu staba lungu del na si mon direita ku skerda.

2 Kronikas 18:18

Mikaias kontinua i fala: “Bo sukuta palabra di SIÑOR. N oja SIÑOR sintadu na si tronu; tudu tropas di seu staba di pe na si mon direita ku skerda.

Salmus 45:8

Tudu bu ropa tene purfumu di mira, aloés ku kasia. Di palasius di marfin i ta sai musika di korda pa kontentau.

Salmus 90:2

Antis di montis bin lanta, antis di bu kumpu tera ku mundu, abo, bu sedu Deus, antis di kumsada te dipus di kabantada.

Salmus 93:2

Bu tronu sta firmi disna di tempu antigu; abo bu sedu antis di mundu kumpudu.

Isaias 6:1

Na anu ku rei Uzias muri, N oja SIÑOR sintadu na un tronu muitu altu; kilis ku na kumpañal e inciba templu.

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Jeremias 49:38

Ami, SIÑOR, N na pui ña tronu na Elan, N na kaba ku se rei ku se ŝefis.

Ezekiel 1:26

Riba di ki seu i tenba un kusa ku parsi tronu ku kumpudu di pedra di balur ku comadu safira. Sintadu la riba di tronu i tenba kil ku parsi ku omi.

Daniel 7:13

Na ña visons di noti, N fika N na jubi, N oja un algin suma fiju di omi ku na bin na nuvens di seu. I bai pa kil ku staba sempri bibu, i pursentadu si dianti.

Daniel 7:22

tok kil ku sta sempri bibu bin ciga. Justisa fasidu na fabur di pobu di ki Deus ku sta riba di tudu; tempu ciga ku elis e bin tene renu.

Mikeias 5:2

SIÑOR fala: “Abo, Belen Efrata, nin ku bu sedu pikininu na metadi di milyaris di Judá, na bo ki na bin sai pa mi kil ku na sedu ŝef na Israel, ku si kumsada sedu disna di tempus mas antigu ku pasa.”

Abakuk 1:12

Nta bu ka sedu Deus disna di kumsada? O SIÑOR, abo i ña Deus, santu, ku ka ta muri. O SIÑOR, ku sedu ña kau suguru, bu pui elis pa e fasi justisa; bu fortifika elis pa e kastiganu.

Mateus 17:2

i torkia si parsensa se dianti. Si rostu na lampraba suma sol, si ropa bida branku suma lus.

Mateus 28:3

Si parsensa i suma relampagu, si ropa branku fandan suma algadon.

Markus 9:3

Si ropa bida branku fandan, i na lampra, suma ku nin un labandera na mundu ka pudi brankisil.

Atus 2:30

El i anunsiadur, tambi i sibi kuma Deus falaba ku juramentu kuma Kristu na padidu na si jorson, pa bin sinta na si tronu.

Atus 2:33

Manera ki sta ja riba, na mon direita di Deus si Pape, i risibi na si mon Spiritu Santu ku Deus falaba i na manda; i darma e kusa ku bo na oja gosi, bo na obil.

Filipensis 3:9

pa N pudi ojadu unidu ku el. Gosi N ka na oja kuma ami N justu pabia di kumpri lei, ma N justu pabia di fe na Kristu. Deus fasin justu pabia di ña fe.

1 Timótiu 6:16

El son ku ka ta muri, i mora na lus ku ningin ka pudi ciga nel. Ningin ka ojal, nin i ka pudi ojadu, kil ku ten ku dadu onra ku puder pa sempri. Amen.

1 Jon 1:5

Es i rekadu ki danu, ku no na konta bos, kuma Deus i lus. Nin sukuru ka sta nel.

Apokalipsi 1:14

Si kabelu na kabesa i branku fandan, suma algadon o suma nevi. Si uju na lampra suma fugu,

Apokalipsi 19:18

pa bo kume karni di reis, ku karni di kumandantis ku tropas, ku di kabalu, ku kilis ku montal, karni di tudu jinti, libri ku katibu, pikininu ku garandi.”

Apokalipsi 20:4

Dipus, N oja tronus, ku kilis ku sinta nelis; e dadu puder pa julga. N oja almas di kilis ku dogoladu pabia e testifika di Jesus, ku palabra di Deus, e ka adora besta, nin si imaẑen, e nega risibi sinal na testa o na mon. E torna bibu, e rena ku Kristu mil anu,

Apokalipsi 4:2

Na ki ora Spiritu rabatan. La na seu i pudu un tronu, ku un algin sintadu nel.