Daniel 6:4 - BIBLIA - traduson antigu in Krioulo

⁴ Ki ministrus ku presidentis fika e na buska roson pa pudi keŝa di Daniel na parti di si tarbaju na renu, ma e ka oja kulpa nel, pabia Daniel seduba di fiansa. E ka oja nin kurupson nin falia nel.

Daniel 6:4 ပူးပေါင်းရင်းမြစ်များ

Kumsada 41:38

Faraó punta elis: “Nta no na oja un omi suma es ku tene spiritu di Deus?”

Kumsada 43:18

Oca e na lebadu pa kasa e sinti medu, e pensa: “I pabia di ki diñeru ku ribantadu na no sakus na purmeru bias ku no bin, e ku manda no tisidu li, pa i kulpanu, i kai riba di nos, i tomanu ku no burus pa fasinu katibus.”

Ditus 29:27

Justus ka pudi nguenta omi tortu; jinti mau ka pudi nguenta kil ku ta yanda na kamiñu retu.

Eklesiastis 4:4

N nota kuma i nveẑa di si kumpañer ku ta pui omi tarbaja ciu ku jitu pa i pudi ngaña. Es tambi i bakatela, suma algin ku na serka bentu.

Jeremias 18:18

E fala: “Bo bin no fasi no planu kontra Jeremias. Saserdoti na sta li pa nsinanu lei; jirus na danu konsiju; i ten anunsiaduris pa danu palabra. Bo bin no atakal ku no lingua; ka no sukuta nin un di si palabras.”

Jeremias 18:23

O SIÑOR, bu kunsi tudu se planus pa matan. Ka bu purda se maldadi, nin ka bu tira se pekadu dianti di bu rostu. Pui elis pa e kai bu dianti; trata ku elis na tempu di bu raiba.

Jeremias 20:10

N obi manga di jinti na ŋuniŋuni e fala: “Medu pa tudu ladu! Bo keŝa del; bo bin no keŝa del!” Tudu ña amigus mas pertu e na peran pa N yara, e ta fala: “Talves i pudi nganadu; asin no ta ngaña riba del, no ta torna vingansa riba del.”

Jeremias 29:7

Bo buska pas pa prasa nunde ku N manda bos; bo ora SIÑOR pa el pabia, si kusas kuri ben ku ki prasa, abos tambi bo na sta diritu.

Daniel 3:8

Na ki ora utru omis di Babilonia ciga, e akusa judeus,

Daniel 5:12

Ki omi, ku sedu Daniel, ku rei coma Beltesazar, i ojadu ku spiritu alertu, ku kuñisimentu ku ntindimentu; i pudi splika signifikadu di suñus, tambi kusa ku kansadu ntindi; i ta rezolvi tambi purblemas. Coma Daniel, i na splikau signifikadu de skritura.”

Daniel 6:22

Ña Deus manda si anju ku fica boka di lions pa e ka molostan, pabia N ojadu sin kulpa si dianti. Tambi N ka fasi mal kontra Ñu Rei.”

Mateus 26:4

E fasi planu pa prindi Jesus sukundidu di pobu, pa matal,

Mateus 27:18

I sibiba kuma e ntregalba pabia di nveẑa.

Lukas 20:20

E fika e na montial, e manda spions pa e finji sedu jinti diritu, pa e pudi pañal na kualker palabra, pa ntregal na puder di gubernadur pa i julgadu.

Lukas 20:26

Dianti di pobu e ka pudi pañal na nin un palabra. E fika dimiradu ku si rasposta; e kala.

Lukas 22:2

Ŝefis di saserdoti ku pursoris di lei e na buskaba manera di kaba ku Jesus sukundidu, pabia e tenba medu di pobu.

Bon Noba di Jesus Kristu ku Jon 19:4

Pilatus torna sai pa fora, i fala elis: “Ali N tisi bos el fora, pa bo sibi kuma N ka oja nin un kulpa nel.”

2 Koríntius 11:12

N na kontinua fasi kil ku N na fasi, pa taja kamiñu di kilis ku na buska manera di njata, pa fala kuma se tarbaju i suma di nos.

Filipensis 2:15

pa bo pudi sedu puru, inosenti, fijus di Deus sin kulpa, ku na vivi na mundu di jinti mau i tortu. Bo ten ku lampra na se metadi suma strelas ku na numia mundu,

1 Timótiu 5:14

Asin, N ta misti pa viuvas mas nobu kasa, pa e tene fijus, e trata di se kasa, pa ka e da motivu pa inimigu fala mal,

Titu 2:8

bu ten ku ten bon palabra ku ningin ka pudi kulpau nel, pa kilis ku sta kontra e ta burguñu, pabia e ka ten nin un mal di fala kontra nos.

1 Pedru 2:12

Bo yanda diritu na metadi di kilis ku ka kunsi Deus. Asin, ora ke na koba bos mal suma kin ku ta fasi mal, e pudi rapara bon tarbaju ku bo na fasi, e ta ngaba Deus na dia ki na visitanu.

1 Pedru 3:16

ku bon sintidu, pa ora ku bo kobadu, kilis ku na fala mal di bo bon manera di yanda ku Kristu e ta burguñu.

Ŝefis 14:4

Si pape ku si mame ka sibiba kuma SIÑOR na tarbaja ne kusa, pabia i na buskaba manera di geria ku filisteus, manera ke dominaba Israel na ki tempu.

1 Samuel 12:4

E falal: “Bu ka fasi tarpasa na nada, nin bu ka maltratanu, nin bu ka toma nada na mon di ningin.”

1 Samuel 18:14

Tudu ki ta fasiba ta kuri diritu, pabia SIÑOR staba ku el.

1 Samuel 22:14

Aimelek ruspundi rei i puntal: “Kin ki fiel suma Davi na metadi di tudu bu ŝefis? El i omi di bu fiju, kapiton di bu guardas, i rispitadu ciu na bu kasa.