Daniel 6:10 - BIBLIA - traduson antigu in Krioulo

¹⁰ Oca ku Daniel bin sibi kuma ki lei sinadu, i yentra na si kasa, nunde ki tenba un kuartu ku janelas abertu na ladu di Jerusalen. Tris bias na un dia i ta finkaba juju i ora, i fala si Deus obrigadu, suma ki kustumaba ta fasi.

Daniel 6:10 ပူးပေါင်းရင်းမြစ်များ

1 Reis 8:30

Obi ña orason, ku orason di bu pobu Israel ora ke vira rostu pa e lugar, e ora. La na seu nunde ku bu mora, obinu, bu purdanu.

1 Reis 8:38

la na seu nunde ku bu ta sinta, obi tudu orason ku pididu ku kualker omi di Israel fasi, si kada un rapara mal di si korson, i distindi si mon pa e kasa. Purda elis, bu juda elis. Abo son ku kunsi korson di tudu jinti. Trata kada un konformi kil ki na fasi, suma kil ku bu na oja na si korson,

1 Reis 8:44

“Ora ku bu pobu sai pa geria kontra se inimigus, na kualker kau ku bu manda elis, si e papia ku SIÑOR, e vira rostu pa e prasa ku bu kuji, pa e kasa ku N kumpu pa bu nomi,

1 Reis 8:54

Dipus di Salomon kaba pidi SIÑOR na orason, ku juju finkadu, ku si dus mon distindidu pa seu, i lanta na kau ki staba nel dianti di altar di SIÑOR.

2 Kronikas 6:13

I kumpuba ja palku di kobri, di 2,3 metru kuadradu ku 1,3 metru di altura, i pul na metadi di kintal. I subi na ki palku, i finka juju nunde ku tudu juntamentu pudi ojal, i distindi si dus mon pa seu,

2 Kronikas 6:38

si e riba pa bo ku tudu se korson, ku tudu se alma, mesmu la na tera di se inimigus ku leba elis katibu, si e papia ku bo, e vira rostu pa banda di se tera ku bu da se papes, pa e prasa ku bu kuji, pa e kasa ku N kumpu pa bu nomi,

Esdras 9:5

Oca ku ora na ciga pa sakrifisiu di tardi, N lanta di ña kasabi, ku kamisa ku manta rumpidu, N finka juju, N distindi ña mon pa SIÑOR ña Deus,

Neemias 6:11

N puntal: “Un omi suma mi dibi di kuri? O algin suma mi pudi yentra na kau sagradu, i fika ku vida? N ka na yentra la.”

Salmus 34:1

N na papia ben di SIÑOR tudu tempu; ña boka na ngabal sempri.

Salmus 5:7

Pabia di garandesa di bu bondadi, N na yentra na bu kasa, N na mpina ku rispitu dianti di bu kau sagradu.

Salmus 55:17

Di tardi, di parmaña ku me-dia, N na jimi, N keŝa si dianti; el i na obi ña vos.

Salmus 86:3

Ten pena di mi, o SIÑOR, pabia N ta comau tudu ora.

Salmus 95:6

Bo bin, no mpina no adoral; no finka juju dianti di SIÑOR ku kumpunu,

Daniel 6:13

E ruspundi e fala rei: “Daniel, un di ki katibus ku tisidu di Judá, i ka ta mporta ku Ñu Rei, nin ku ki lei ku Ñu sina. I ta fasi si orason tris bias na un dia.”

Daniel 9:4

N papia ku SIÑOR ña Deus, N konfesa, N falal: “O SIÑOR, Deus garandi, meduñu, bu ta guarda bu kontratu, bu mostra amor pa kilis ku amau, e obdisi bu mandamentus;

Jonas 2:4

N fala kuma N tiradu lunju di bu rostu, ma N na vira rostu pa bu templu sagradu.

Markus 3:3

Jesus fala omi ku si mon muri: “Lanta, bu bin li na metadi.”

Lukas 14:26

“Si algin na bin pa mi, i ka pui si pape aparti, ku si mame, si minjer, si fijus, si ermons macu ku femia, si kabesa propi, i ka pudi sedu ña disipulu.

Lukas 22:41

I lunjusi delis distansia di un tiru di pedra, i finka juju, i ora,

Atus 10:9

Oca sol mansi, ke staba ja na kamiñu pertu di Jope, Pedru subi riba di kasa kuas me-dia pa bai ora.

Atus 2:15

E omis ka cami suma ku bo na pensa; i son novi ora di parmaña.

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Atus 20:36

Oca ki kaba fala asin, i finka juju ku elis tudu, i ora.

Atus 21:5

Oca ku no pasa ki dias la, no sai, no kontinua no bias. Elis tudu ku minjeris ku se fijus e kumpañanu te fora di prasa. No finka juju na praia, no ora.

Atus 3:1

Un dia, na tris ora di tardi, oca ora di orason ciga, Pedru ku Jon na baiba pa kasa di Deus.

Atus 4:29

Agora Siñor, obi kuma ke na njata; juda bu servus pa e fala bu palabra ku tudu koraẑen,

Atus 5:20

“Bo bai, bo yentra na kasa di Deus, bo splika pobu diritu aserka de nobu vida.”

Atus 5:29

Pedru ku utru apostolus fala elis: “I mas minjor obdisi Deus di ki obdisi omis.

Atus 7:60

Dipus i kai ku juju, i grita ku vos forti: “Siñor, ka bu guarda e pekadu kontra elis.” Oca ki fala asin, i diskansa.

Atus 9:40

Pedru pui jinti pa e sai tudu na kuartu. I finka juju, i ora, i rabida pa difuntu, i falal: “Tabita, lanta!” Minjer yabri uju, i oja Pedru, i lanta, i sinta.

Efésius 3:14

I pabia di kila ku N ta finka juju dianti di no Pape,

Filipensis 1:14

Pabia di ña kalabus, mas parti di ermons na Siñor e ten mas animu pa fala palabra di Deus ku koraẑen, sin medu.

Filipensis 1:20

Ña diseẑu fundu ku ña speransa i pa N ka yara, pa N bin ten motivu di fika ku borgoña, ma pa N pudi ten garandi koraẑen gosi, suma pa sempri, pa garandesa di Kristu pudi ojadu klaru na ña kurpu, si i pa vida o si i pa mortu.

Filipensis 4:6

Ka bo fadiga ku nada, ma na tudu bo orason bo pidi Deus pa kil ku bo pirsisa del; bo pidil ku korson di gardisimentu.

Kolosensis 3:17

Tudu ku bo fasi, palabra o tarbaju, bo fasil na nomi di Siñor Jesus; bo fala Deus no Pape obrigadu na si nomi.

Ebreus 13:15

Asin, na Jesus, no ba ta da Deus sempri sakrifisiu di ngabal, ku sedu oferta di no boka ku ta konta di si nomi.

Ebreus 4:16

Asin no ciga ku fiansa dianti di tronu di Deus, nunde ku no na oja fabur, pa no yangasa miserikordia ku fabur, ku ajuda na ora ku no pirsisa del.

Apokalipsi 2:10

Ka bu medi kil ku bu na bin sufri. Diabu na bota utru di bos na kalabus, pa proba bos. Kansera na bin pa bos pa des dia. Fika fiel te na mortu; N ta dau koroa di vida.

Apokalipsi 2:13

N kunsi kau ku bu mora; i nunde ku tronu di Satanas sta nel. Bu fika fiel na ña nomi, bu ka nega bu fe na mi, mesmu na dias di Antipas, ña fiel tustumuña, ku matadu na bo metadi nunde ku Satanas ta mora.