Daniel 5:23 - BIBLIA - traduson antigu in Krioulo

²³ Bu lanta kontra SIÑOR di seu, bu manda tisi kopus di si kasa; abo ku bu fidalgus, bu minjeris ku kumadris, bo bibi biñu nelis. Fora di kila, bo ngaba deusis di prata, uru, kobri, feru, madera ku pedra, ku ka ta oja, nin e ka ta obi, nin e ka ta ntindi, ma bu ka da gloria pa Deus ku tene bu vida ku tudu bu kamiñus na si mon.

Daniel 5:23 ပူးပေါင်းရင်းမြစ်များ

Kumsada 14:19

I bensua Abron, i falal: “Deus ku sta riba di tudu, ku kumpu seu ku tera, pa i bensua Abron.

Kumsada 2:7

SIÑOR Deus bin kumpu omi ku reia di con, i supral na si naris, i da folgu di vida. Omi bin sedu kriatura bibu.

2 Reis 14:10

Na bardadi bu ngaña riba di edomeus; orgulyu inci bu korson. Fika na kasa, bu kontenti ku ki gloria. Pabia di ke ku bu na miti na mal, pa bu kai, tudu ku Judá?”

Jo 12:10

Vida di tudu kriatura bibu sta na si mon, ku folgu di tudu omi.

Jo 31:4

Nta Deus ka ta oja manera ku N ta yanda? i ka ta fasi konta di ña pasus?

Salmus 104:29

Si bu sukundi bu rostu, e ta tarpaja. Si bu korta elis folgu, e ta muri, e riba pa reia.

Salmus 115:16

Seu la riba i di SIÑOR, ma i da omis tera.

Salmus 139:3

Bu ta nota ora ku N na yanda o ora ku N na dita; bu kunsi tudu ña manera di yanda.

Salmus 146:4

Si e para da folgu, e ta riba pa con; na ki mesmu dia se pensamentus kaba.

Ditus 20:24

I SIÑOR ku ta gia pasu di omi. Nta kuma ku omi pudi ntindi kamiñu ki na yanda nel?

Isaias 13:11

N na kastiga mundu pabia di si maldadi, ku jinti mau pabia di se pekadu. N na bati kilis ku ta yalsa kabesa; N na kaba ku orgulyu di jinti ku ta manda ku forsa.

Isaias 14:13

Bu ta falaba na bu sintidu: ‘N na subi pa seu, N na pui ña tronu riba di strelas di Deus; N na sinta na monti di juntamentu, na ladu mas lunju di norti.

Isaias 2:12

pabia dia na bin ciga ku SIÑOR ku ten tudu puder na sta kontra tudu jinti ku yalsa se kabesa ku orgulyu, ku tudu ku toma lugar mas altu, pa e batidu.

Isaias 33:10

SIÑOR fala: “N na lanta gosi, ami propi N na lanta gosi; gosi N na ngarandisidu.

Isaias 37:19

E bota se deusis na fugu pabia e ka seduba deusis, ma son kusas di madera ku pedra ku omis kumpu ku se mon; e ku manda e kaba ku elis.

Isaias 37:23

Kin ku bu na koba, bu fala mal del? Kin ku bu yalsa fála kontra el oca ku bu yalsa uju ku orgulyu? Bu fasil kontra Deus Santu di Israel!

Isaias 42:5

Deus kumpu seu, i distindil; i forma tera ku tudu ku ta sai nel; i ta da folgu ku vida pa pobu ku ta yanda nel. El Deus, SIÑOR, i fala:

Jeremias 10:23

O SIÑOR, N sibi kuma vida di omi i ka di sil; i ka pudi gia si pasus.

Jeremias 48:26

“Bo caminti Moab, pabia i lanta kontra SIÑOR. I na rola na si ramasadura; jinti na ril.

Jeremias 50:28

Bo sukuta vos di kilis ku kuri, e kapli di Babilonia, pa anunsia na Sion aserka di vingansa di SIÑOR no Deus, manera ki toma vingansa pa si templu.

Jeremias 50:29

“Bo coma kontra Babilonia tudu omis ku ta usa mansasa; bo taja prasa di volta pa ka ningin kapli. Bo pagal, bo fasil konformi tudu ki fasi, pabia i yanda ku orgulyu kontra SIÑOR, Deus santu di Israel.

Ezekiel 28:17

“‘Bu korson inci orgulyu pabia di bu bonitasku, bu fama pou bu dana bu jiresa. N botau na con dianti di reis, pa e pudi ojau.

Ezekiel 28:2

“Fiju di omi, konta rei di Tiru kuma SIÑOR Deus fala: ‘Na orgulyu di bu korson bu fala: “Ami i un deus. N sinta na tronu di un deus na metadi di mar.” Kontudu abo i omi, bu ka sedu un deus, bu pensa inda kuma abo bu jiru suma un deus.

Ezekiel 28:5

Manera ku bu ten jitu ku jiresa na nogos, bu buri manga di rikesa; ki rikesa pui bu korson pa i sedu orgulyosu.

Ezekiel 31:10

“‘Pabia di kila, ami, SIÑOR Deus, N fala: Suma ki bin sedu altu, tok si ponta staba riba di utru ramus, si korson inci orgulyu pabia di si altura.

Daniel 11:12

Dipus ki leba ki multidon prezu, korson di rei di sul na inci orgulyu. I na mata manga di milyaris, ma si vitoria ka na tarda,

Daniel 4:37

Gosi ja, ami, Nabukodonosor, N ngaba Rei di seu, N garandisil, N dal gloria, pabia tudu ki fasi i diritu; si kamiñus i justu. I pudi baŝa kilis ku ta yanda na orgulyu.

Daniel 8:11

I mistiba disafia ŝef di tropas di seu, tok i kaba ku ki sakrifisiu ku ta fasidu pa el kada dia; kau sagradu di ŝef di tropas batidu na con.

Abakuk 2:4

“Jubi, i inci di orgulyu, si korson i ka retu, ma omi justu i na vivi pabia i sedu fiel.

Atus 17:25

Mon di omi tambi i ka ta sirbil, suma kin ku misti kualker kusa, pabia el propi i ta da tudu jinti vida ku folgu ku tudu kusa.

1 Koríntius 8:4

Kusa di kume karni di ronia, no sibi kuma idulu i ka nada na mundu di bardadi, suma ku bo fala. I ka ten utru deus fora di un son.

1 Timótiu 3:6

I dibi di sedu algin maduru na fe, pa ka i fika incadu ku orgulyu, i bin kai na kondenason suma ku diabu kai.

Ebreus 4:13

I ka ten nada ku Deus kumpu ku pudi sukundi del, ma tudu kusa sta nun i klaru na uju di kil ku no ten ku da konta si dianti.

Apokalipsi 9:20

Jinti ku sobra, ku ka muri na ki kastigus, e ka ripindi pa e disa ki kusas ke kumpu ku se mon; e ka disa di adora dimonius, nin idulus di uru, prata, bronzi, pedra, nin di madera, ku ka pudi oja, e ka pudi obi, e ka pudi yanda.

Ŝefis 16:23

Un dia ŝefis di filisteus junta pa fasi sakrifisiu pa se deus Dagon. E fika kontenti dianti di Dagon, e na fala: “No deus danu no inimigu Sanson na no mon.”

1 Samuel 17:26

Davi punta omis ku staba lungu del: “Ke ku na fasidu pa ki omi ku mata e filisteu, pa tira disgrasa riba di Israel? E filisteu insirkunsidadu i kin propi pa disafia tropas di Deus bibu?”

1 Samuel 17:36

Asin N ciga di mata lions tudu ku ursus; ki filisteu insirkunsidadu i na sedu suma un delis, pabia i disafia tropas di Deus bibu.