Daniel 5:11 - BIBLIA - traduson antigu in Krioulo

¹¹ I ten un omi na bu renu ku tene spiritu di deusis santu. Oca ku bu pape seduba rei, ki omi i mostra lus di jiresa ku kuñisimentu, suma kuñisimentu di deusis. Bu pape, rei Nabukodonosor, i pul ŝef riba di diviñaduris, jambakusis, astrologus ku pauterus.

Daniel 5:11 ပူးပေါင်းရင်းမြစ်များ

Kumsada 41:38

Faraó punta elis: “Nta no na oja un omi suma es ku tene spiritu di Deus?”

2 Samuel 14:17

N kuda tambi kuma palabra di Ñu Rei na dan diskansu, pabia Ñu Rei i suma un anju di Deus ku ta rapara ben ku mal. SIÑOR bu Deus ta sta ku bo.”

Ezekiel 28:3

Nta abo bu mas jiru di ki Daniel? I ka ten sigridu ku pudi sukundi di bo?

Ezekiel 28:4

Ku bu jiresa ku ntindimentu bu ngaña manga di rikesa; bu junta uru ku prata na bu armazens.

Daniel 1:4

jovens sin difeitu na kurpu, bonitu, ben nsinadu, ku sibi ciu, lestu pa ntindi, ku sibi vivi na palasiu di rei. I falal tambi pa i nsina elis skirbi ku lei na lingua di Babilonia.

Daniel 2:11

Kusa ku rei na pidi i kansadu dimas. Ningin ka pudi kontau ki kusa si i ka deusis ku ka ta mora na metadi di jinti.”

Daniel 2:22

El i ta mostra kusas fundu o sukundidu; i sibi ke ku sta na sukuru; lus ta sta ku el.

Daniel 4:18

“Es i kusa ku ami, rei Nabukodonosor, N oja na ña suñu. Abo, Beltesazar, bu pudi splikan si signifikadu. Tudu konsijaduris na ña renu e ka pudi splikan el, ma abo bu pudi, pabia spiritu di deusis santu sta na bo.”

Daniel 4:5

N bin tene un suñu ku pantandan; oca N staba na ña kama, pensamentus di ña kabesa ku kusas ku N oja na vison e fasin N fika tarpajadu.

Daniel 4:6

Asin N da ordi pa tudu konsijaduris di Babilonia tisidu ña dianti, pa e splikan signifikadu di ki suñu.

Daniel 5:14

N obi aserka di bo kuma spiritu di deusis sta na bo, kuma bu tene lus ku ntindimentu ku garandi jiresa.

Daniel 5:7

I grita pa jinti tisil jambakusis, astrologus ku pauterus. Oca ku ki konsijaduris di Babilonia yentra, rei fala elis: “Kualker algin ku lei e skritura, i kontan si signifikadu, i na bistidu ropa purpura, i na pudu fiu di uru na garganti, i na sedu terseru omi di puder na renu.”

Atus 12:22

Pobu na gritaba: “Es i vos di Deus, i ka di omi!”

Atus 14:11

Oca multidon di jinti oja ke ku Paulu fasi, e grita risu, e fala na lingua di Likaónia: “Deusis bida suma omis, e ria na no metadi!”

Atus 16:16

Un dia, oca ku no na bai pa lugar di orason, no kontra ku un bajuda ku teneba spiritu di diviña. I ta ngañaba manga di diñeru pa si mestres ku si diviñason.

Apokalipsi 3:9

Jubi, kilis ki di kasa di juntamentu di Satanas, ku na konta mintida, e fala kuma elis i judeus ma e ka sedu, N na pui elis pa e bin, e mborka bu dianti; e ta sibi kuma N amau.