Daniel 4:9 - BIBLIA - traduson antigu in Krioulo

⁹ “Beltesazar, ŝef di diviñaduris, N sibi kuma spiritu di deusis santu sta na bo. I ka ten sigridu kansadu pa bo. Pera N kontau kusas ku N oja na suñu; bu ta splikan el.

Daniel 4:9 ပူးပေါင်းရင်းမြစ်များ

Kumsada 41:38

Faraó punta elis: “Nta no na oja un omi suma es ku tene spiritu di Deus?”

Isaias 33:18

Bu na bin ba ta lembra de medu ku bu ten, bu na fala: “Nunde ki jinti ku ta pesa diñeru di no mpustu, ku kil ku ta skirbil, o kil ku ta fasi konta di no toris?”

Isaias 54:14

Bu na firmantadu ku justisa, bu na fika libri di kilis ku ta kalkau ku kilis ku ta pantau, pabia e ka na pertu bo; bu ka na torna medi mas.

Ezekiel 17:23

ki monti mas altu di Israel. I na larga si ramus, i na padi fruta; i na sedu sedru bonitu dimas. Tudu tipu di kacus na pui se niñu la na sombra di si ramus.

Ezekiel 28:3

Nta abo bu mas jiru di ki Daniel? I ka ten sigridu ku pudi sukundi di bo?

Daniel 1:20

Tudu asuntu ku rei punta elis ku ta iziẑi kuñisimentu ku ntindimentu, i ta oja elis des bias mas jiru di ki tudu diviñaduris ku jambakusis ku staba na tudu si renu.

Daniel 2:47

Rei fala Daniel: “Na bardadi bo Deus i Deus riba di utru deusis, i SIÑOR riba di reis, mostradur di sigridus, pabia bu pudi mostra e sigridu.”

Daniel 2:48

Dipus rei da Daniel un pusison altu, i dal manga di pursenti, i pul suma gubernadur di tudu pruvinsia di Babilonia, i pul riba di tudu konsijaduris di Babilonia.

Daniel 4:18

“Es i kusa ku ami, rei Nabukodonosor, N oja na ña suñu. Abo, Beltesazar, bu pudi splikan si signifikadu. Tudu konsijaduris na ña renu e ka pudi splikan el, ma abo bu pudi, pabia spiritu di deusis santu sta na bo.”

Daniel 4:5

N bin tene un suñu ku pantandan; oca N staba na ña kama, pensamentus di ña kabesa ku kusas ku N oja na vison e fasin N fika tarpajadu.

Daniel 4:8

Pa ultimu, Daniel yentra nunde mi, ku tene nomi di Beltesazar, konformi nomi di ña deus, ku tene spiritu di deusis santu. N kontal ña suñu, N falal:

Daniel 5:11

I ten un omi na bu renu ku tene spiritu di deusis santu. Oca ku bu pape seduba rei, ki omi i mostra lus di jiresa ku kuñisimentu, suma kuñisimentu di deusis. Bu pape, rei Nabukodonosor, i pul ŝef riba di diviñaduris, jambakusis, astrologus ku pauterus.

1 Samuel 4:8

Ai di nos! Kin ku na libranu na mon de deusis ku ten garandi puder? Es i ki deusis ku mata jinti di Ejitu ku tudu koldadi praga na lala.