Daniel 3:29 - BIBLIA - traduson antigu in Krioulo

²⁹ Asin N na fasi un lei ku na fala kuma, algin di kualker pobu, nason o lingua ku koba Deus di Sadrak, Mesak ku Abednegu, i na sapa-sapadu, si kasa na fasidu muntudu, pabia i ka ten utru deus ku pudi libra suma es.”

Daniel 3:29 ပူးပေါင်းရင်းမြစ်များ

2 Reis 10:27

E kebra tambi statua di Baal, e bati baloba, e bin ta usal pa kuartiñu. Asin ki sedu te aos.

Esdras 6:11

“N na da utru ordi tambi kuma, si kualker omi muda e lei, un po ten ku rinkadu na si kasa, pa el i yalsadu i pindradu nel; si kasa tambi na sedu kau di muntudu.

Salmus 3:8

Salbason ta bin di SIÑOR. Bu benson pa i sta riba di bu pobu.

Salmus 76:10

Bu pudi usa te raiba di omi pa pui jinti ngabau; raiba ku sobra, bu ta maral.

Daniel 1:19

Rei papia ku elis tudu, ma na se metadi i ka oja utru joven suma Daniel, Ananias, Misael ku Azarias. Asin e yentra na tarbaju di rei.

Daniel 1:7

Ŝef di funsionarius pui elis utru nomis. I pui Daniel nomi di Beltesazar; i coma Ananias Sadrak; i coma Misael Mesak; Azarias, i comal Abednegu.

Daniel 2:17

Dipus Daniel bai pa kasa, i konta si kumpañeris, ku seduba Ananias, Misael ku Azarias, ke ku kontisi.

Daniel 2:47

Rei fala Daniel: “Na bardadi bo Deus i Deus riba di utru deusis, i SIÑOR riba di reis, mostradur di sigridus, pabia bu pudi mostra e sigridu.”

Daniel 2:49

Daniel pidi rei; rei pui Sadrak, Mesak ku Abednegu pa e sedu administraduris di pruvinsia di Babilonia, ma Daniel sempri i ta tarbajaba na palasiu.

Daniel 2:5

Rei ruspundi astrologus, i fala elis: “Kil ku N suña i kaplin. Si bo ka kontan ke ku N suña, ku si splikason, bo na sapa-sapadu, bo kasas na bidantadu muntudu.

Daniel 3:12

I ten utru omis judeu ku bu pui riba di administrason di pruvinsia di Babilonia, ku sedu Sadrak, Mesak ku Abednegu. Ki omis e ka mporta ku bo. E ka ta sirbi bu deusis, nin e ka adora statua di uru ku bu lantanda.”

Daniel 3:15

Gosi, ora ku bo obi toku di korneta, flauta, viola, arpa, salteriu, gaita ku tudu tipu di musika, si bo sta pruntu pa mborka pa adora ki statua ku N kumpu, i ta sedu bon, ma si bo ka adoral, na ki mesmu ora bo na botadu dentru di furnu ku na yardi. Kal deus gora ku na pudi libra bos na ña mon?”

Daniel 3:17

No Deus ku no ta sirbi, i el ku pudi libranu. I na bin libranu di furnu ku na yardi, ku di bu mon tambi,

Daniel 3:28

Nabukodonosor fala: “I bon pa no ngaba Deus di Sadrak, Mesak ku Abednegu, ku manda si anju, i libra si servus ku fiansaba nel. E nega obdisi ordi di rei; e mas misti ntrega se kurpu te pa e sirbi o e adora utru deus ku ka sedu se Deus.

Daniel 6:28

Tudu kusa kuri diritu ku Daniel na renu di Dariu, ku di Siru di Persia.

Ripitison di Lei 32:31

Pabia roca di no inimigus i ka suma no Roca; no inimigus propi e sibi kila.