Daniel 3:25 - BIBLIA - traduson antigu in Krioulo

²⁵ I ruspundi, i fala elis: “Ma ami N na oja kuatru omi, dismancadu, ku na yanda e na pasia dentru di fugu; nada di mal ka fasi elis. Kil ku fasi elis kuatru i parsi fiju di un deus.”

Daniel 3:25 ပူးပေါင်းရင်းမြစ်များ

Jo 1:6

Un dia, anjus di Deus bai pursenta dianti di SIÑOR; Satanas bai juntu ku elis.

Jo 38:7

oca ku strelas di parmaña na kantaba juntu ku kontentamentu; tudu anjus di Deus na gritaba ku alegria?

Jo 5:19

I na librau di seis foronta; na setimu, mal ka na toka na bo.

Salmus 34:7

Anju di SIÑOR ta sta sempri na roda di kilis ku rispita Deus, i ta libra elis.

Ditus 30:4

Kin ku subi na seu, i ria? Kin ku paña bentu na si mon? Kin ku mara yagu na si ropa? Kin ku kumpu fronteras di mundu? Kal ki si nomi ku nomi di si fiju? Kontan, si bu sibi!

Isaias 43:2

Ora ku bu na pasa na yagu, N na sta ku bo; ora ku bu na pasa na rius, e ka na fogantau; nin ki na fugu ku bu na pasa, bu ka na kema, nin lingua di fugu ka na sindi na bo.

Jeremias 1:19

E na geria kontra bo, ma e ka na ngañau, pabia N na sta ku bo pa librau.” Asin ku SIÑOR fala.

Jeremias 1:8

Ka bu ten medu delis, pabia ami N sta ku bo pa librau.” Asin ku SIÑOR fala.

Jeremias 15:21

N na rabatau na mon di jinti mau, N na librau di puder di omis violentu.”

Daniel 3:18

ma nin si i ka libranu, Ñu Rei pudi sibi kuma no ka na sirbi bu deusis, nin no ka na adora ki statua di uru ku bu lantanda.”

Daniel 3:24

Di repenti rei Nabukodonosor panta, i lanta kinti-kinti, i punta si kapitons: “Nta i ka tris omi ku no mara, no bota dentru di fugu?” E ruspundi, e falal: “I bardadi, Ñu Rei.”

Daniel 3:28

Nabukodonosor fala: “I bon pa no ngaba Deus di Sadrak, Mesak ku Abednegu, ku manda si anju, i libra si servus ku fiansaba nel. E nega obdisi ordi di rei; e mas misti ntrega se kurpu te pa e sirbi o e adora utru deus ku ka sedu se Deus.

Daniel 6:23

Rei fika kontenti dimas, i manda tira Daniel na koba. Asin Daniel tiradu na koba; nin un molostu ka ojadu na si kurpu, pabia i fiansa na si Deus.

Markus 16:18

e na pega na kobras; si e bibi kualker kusa ku ta mata, i ka na fasi elis nin danu; e na pui mon riba di duentis; e ta san.”

Lukas 1:35

Anju ruspundi i falal: “Spiritu Santu na ria riba di bo; puder di ki Deus ku sta riba di tudu i na kubriu ku si sombra. E ku manda ki mininu santu ku bu na padi i na comadu Fiju di Deus.

Atus 28:5

Paulu sakudi kobra na fugu, i ka sinti nin mal.

Romanus 1:4

ma na ladu di Spiritu di santidadi, manera ki lanta di mortu, i mostradu ku puder kuma el i Fiju di Deus.

1 Pedru 3:13

Kin ku na fasi bos mal si bo ten mpeñu di fasi ben?