Daniel 3:22 - BIBLIA - traduson antigu in Krioulo

²² Suma ku rei turmenta pa da ordi, furnu kinti ba dimas, tok ŝama di fugu sai, i mata ki omis ku lambu Sadrak, Mesak ku Abednegu pa bota elis na furnu.

Daniel 3:22 ပူးပေါင်းရင်းမြစ်များ

1 Reis 13:28

I bai, i oja si kurpu ditadu na kamiñu, ku buru ku lion ku firmaba lungu del. Lion ka kumeba kurpu, nin i ka padasa buru.

Saida 12:33

Ejipsius foronta israelitas pa e sai na se tera kinti-kinti, e fala: “Si i ka asin, anos tudu no na bin muri!”

Ditus 11:8

Algin justu ta kaplintidu di foronta; omi mau ta fika na ki foronta ku justu kapli del.

Ditus 21:18

Jinti mau e ta tisi riba di se kabesa ki sufrimentu ke tenta pui riba di jinti bon.

Daniel 1:7

Ŝef di funsionarius pui elis utru nomis. I pui Daniel nomi di Beltesazar; i coma Ananias Sadrak; i coma Misael Mesak; Azarias, i comal Abednegu.

Daniel 2:15

i puntal: “Ke ku manda rei da un ordi meduñu suma es?” Ariok splika Daniel asuntu.

Daniel 6:24

Rei da ordi; e tisi ki omis ku keŝaba di Daniel, e bota elis na koba di lions, elis ku se fijus ku se minjeris. E ka cigaba inda na fundu di koba, lions rabata elis, e kebra-kebra se os.

Mateus 27:5

Judas ferca ki muedas di prata na kasa di Deus, i sai, i bai nforka si kabesa.

Atus 12:19

Erodis buska-buskal, i ka ojal. I punta guardas di tudu manera; dipus i manda mata elis. I sai di Judeia, i bai pa Sesareia, i tarda la.