Daniel 3:19 - BIBLIA - traduson antigu in Krioulo

¹⁹ Nabukodonosor paña raiba forti tok si rostu bida utru manera kontra Sadrak, Mesak ku Abednegu. I da ordi pa e kenta furnu seti bias mas di ki kil ke kustuma ta fasiba.

Daniel 3:19 ပူးပေါင်းရင်းမြစ်များ

Kumsada 31:2

Jakó oja kuma rostu di Labon i ka seduba suma purmeru.

Ester 3:5

Kontra Aman oja kuma Mardokeu ka ta mpina nin baŝa si dianti, i paña raiba dimas.

Ester 7:7

Rei lanta na ki festa di biñu, ku raiba, i sai pa jardin di palasiu. Aman lanta i firma pa roga raiña Ester pa si vida, pabia i oja kuma rei disidiba mal kontra el.

Salmus 76:10

Bu pudi usa te raiba di omi pa pui jinti ngabau; raiba ku sobra, bu ta maral.

Ditus 16:14

Si rei paña raiba, bu pudi sibi kuma algin na muri, ma omi jiru ta kalmal.

Ditus 21:24

Ki algin orgulyosu ku ta pensa kuma i algin, si nomi i Trosadur. I ta mostra sempri orgulyu ku falta di pasensa.

Isaias 51:23

Ma N na pul na mon di kilis ku maltratau, ku falau: ‘Dita na con pa no yanda riba di bo,’ tok bu pui bu kosta suma con, suma kamiñu pa kilis ku na pasa.”

Daniel 2:12

Rei paña raiba tok i pirdi kontrolu, i da ordi pa mata tudu konsijaduris di Babilonia.

Daniel 3:13

Nabukodonosor paña raiba dimas, i manda coma Sadrak, Mesak ku Abednegu. E tisi elis si dianti.

Daniel 3:20

I manda ki omis mas forti ku staba na si tropas pa e mara Sadrak, Mesak ku Abednegu, e bota elis na furnu ku na yardi.

Daniel 5:6

Si rostu bida brankasenti pabia di medu ki sinti; si rabada bida moli tok si jujus na maja ŋutru.

Daniel 6:24

Rei da ordi; e tisi ki omis ku keŝaba di Daniel, e bota elis na koba di lions, elis ku se fijus ku se minjeris. E ka cigaba inda na fundu di koba, lions rabata elis, e kebra-kebra se os.

Sirmonias 26:18

“Si, dipus de kusas tudu, bo ka sukutan inda, N na kontinua kastiga bos seti bias mas pabia di bo pekadus.

Sirmonias 26:21

“Si bo kontinua yanda kontra mi, bo ka misti sukutan, N na manda bos kastigu seti bias mas, konformi bo pekadus.

Sirmonias 26:24

ami N na yanda tambi kontra bos. Ami propi N na kastiga bos seti bias mas pa bo pekadus.

Sirmonias 26:28

tambi na ña raiba N na yanda kontra bos; N na kastiga bos seti bias mas pabia di bo pekadus.

Atus 5:33

Oca ke obi ki palabra, e paña raiba; e misti mata elis,

Atus 7:54

Oca ke obi ki palabra, e raiba na se korson; e ñeme dinti kontra Stevon.