Daniel 3:10 - BIBLIA - traduson antigu in Krioulo

¹⁰ Abo bu da ordi pa tudu omis ku obi toku di korneta, flauta, arpa, viola, salteriu, gaita ku tudu tipu di musika, pa e mborka e adora ki statua di uru.

Daniel 3:10 ပူးပေါင်းရင်းမြစ်များ

1 Kronikas 15:16

Davi fala ŝefis di levitas pa e kuji se ermons ku sibi kanta, pa e tisi tambi instrumentus di musika suma violas, arpas ku simbalus, pa e toka, e kanta altu ku kontentamentu.

1 Kronikas 15:28

Tudu pobu di Israel kumpaña arka di kontratu di SIÑOR, ku gritus di kontentamentu, ku toku di cifris di karnel, kornetas, simbalus, violas ku arpas.

2 Kronikas 29:25

Rei sigi ordi ku SIÑOR daba Davi na boka di Gad (ku seduba anunsiadur di Deus na sirvis di rei) ku di anunsiadur Natan; asin i pui levitas na kasa di SIÑOR ku simbalus ku violas ku arpas.

Salmus 94:20

Nta juis kuruptu i pudi sedu bu sos? I ta fasi mal, i tursi lei pa justifikal.

Saida 1:16

i fala elis: “Ora ku bo na juda na partu di minjeris ebreu, si mininu i macu, bo ta matal; ma si i sedu femia, ka bo matal.”

Saida 1:22

Dipus Faraó da ordi pa tudu si pobu, i fala: “Tudu rapas ku padidu, bo botal na riu, ma si i femia, bo ta disal ku vida.”

Eklesiastis 3:16

N rapara utru kusa ne mundu li: Na kau di julgamentu, nunde ku justisa dibi di fasidu, maldadi sta la.

Isaias 10:1

Koitadi di kilis ku ta fasi leis ku ka justu, e skirbi ordis ku ta kansa jinti,

Daniel 3:11

Kualker algin ku ka mborka pa adoral i na botadu dentru di furnu ku na yardi.

Daniel 3:15

Gosi, ora ku bo obi toku di korneta, flauta, viola, arpa, salteriu, gaita ku tudu tipu di musika, si bo sta pruntu pa mborka pa adora ki statua ku N kumpu, i ta sedu bon, ma si bo ka adoral, na ki mesmu ora bo na botadu dentru di furnu ku na yardi. Kal deus gora ku na pudi libra bos na ña mon?”

Daniel 6:12

E bai pa rei, e puntal: “Nta Ñu ka sina ki lei ku fala kuma, na prazu di trinta dia, algin ku fasi pididu pa kualker deus o omi, ku ka sedu pa Ñu Rei, i na botadu na koba di lions?” Rei ruspundi i fala elis: “Ki lei i sertu, konformi lei di medus ku persas ku ka pudi maina.”

Amos 6:5

Bo ta kanta, bo toka viola; bo ta kumpu nobu instrumentus di musika pa bos, suma Davi.

Bon Noba di Jesus Kristu ku Jon 11:57

Ŝefis di saserdoti ku fariseus daba ordi kuma, kin ku sibi nunde ku Jesus staba nel, pa i konta elis, pa e pudi prindil.