Daniel 2:45 - BIBLIA - traduson antigu in Krioulo

⁴⁵ Es i signifikadu di ki pedra ku bu oja, kortadu na monti sin ajuda di mon, ku bin kebra-kebra feru, kobri, lama, prata ku uru. “Deus garandi i fasi rei sibi ke ku na bin sedu dipus. Suñu i sertu; si splikason ka na maina.”

Daniel 2:45 ပူးပေါင်းရင်းမြစ်များ

Kumsada 41:26

Ki seti baka bonitu e sedu seti anu; ki seti fiju di miju bonitu e sedu tambi seti anu. Suñu sedu un kusa son.

Kumsada 41:28

“I suma palabra ku N fala ja ku Faraó. Deus mostra Faraó ke ki na bin fasi.

Kumsada 41:32

Ke ku manda suñu bin pa Faraó na dus forma i pabia i un kusa ku Deus rezolvi ja fasi; dipus i ten dipresa pa fasil.

2 Samuel 7:22

“O SIÑOR Deus, abo i garandi dimas! I ka ten utru suma bo, nin i ka ten utru deus si i ka abo, konformi tudu kusas ku no obi ku no orejas.

1 Kronikas 16:25

SIÑOR i garandi, i mersi ngabadu; i mas mersi rispitu di ki tudu deusis,

Neemias 4:14

N jubi kuma ku jinti staba, N lanta N fala garandis ku ŝefis ku restu di jinti: “Ka bo ten medu delis; bo lembra di SIÑOR, garandi, ku jinti dibi di medi; bo geria pa bo ermons, bo fijus, bo minjeris ku bo kasas.”

Neemias 9:32

“Asin, no Deus, Deus garandi, meduñu, ku ten tudu puder, ku ta guarda bu kontratu di amor, ka bu fasi puku di tudu kastigu ku bin riba di nos, no reis, no ŝefis, no saserdotis, no anunsiaduris, no papes ku tudu bu pobu, disna di tempu di reis di Asiria te aos.

Jo 36:26

Deus i garandi; no ka pudi ntindil; numeru di si anus ka pudi kalkuladu.

Salmus 135:5

N sibi kuma SIÑOR i garandi, kuma no Deus sta riba di tudu utru deusis.

Salmus 145:3

SIÑOR i garandi, i mersi ngabadu ciu; si garandesa ka pudi kunsidu.

Salmus 2:9

Bu na manda riba delis ku feru di renansa, bu na kebra-kebra elis suma ku puti ta bida padas padas.”

Salmus 48:1

SIÑOR i garandi, i mersi ngabadu, na prasa di no Deus, na si monti sagradu.

Salmus 96:4

SIÑOR i garandi, i mersi ngabadu; i mas mersi rispitu di ki tudu deusis,

Isaias 28:16

Ma asin ku SIÑOR Deus fala: “Ali N na pui un pedra na Sion, pedra di kantu ku probadu ja, ku ten garandi balur, ku ta fasi alisersu firmi; algin ku fiansa nel i ka ta turmenta.

Daniel 2:24

Daniel bai papia ku Ariok, ku rei mandaba pa mata tudu konsijaduris di Babilonia; i yentra i falal: “Ka bu mata elis. Leban pa rei; N na splikal si suñu.”

Daniel 2:28

ma i ten un Deus na seu ku ta mostra sigridu. El i fasi rei Nabukodonosor pa i sibi ke ku na bin sedu na kabantada di tempu. Es i bu suñu ku vison ku bu oja na bu kabesa oca ku bu dita na kama.

Daniel 2:29

Oca ku bu dita la, bu pensamentus bai pa kusas ku na bin bin. Kil ku ta mostra sigridus i fasiu sibi ke ku na bin sedu.

Daniel 2:44

“Na tempu di ki reis, Deus di seu na lantanda utru renu ku nunka ka na danadu. Ki renu ka na pasa pa utru pobu; i na kebra-kebra tudu utru renus, i kaba ku elis. Ki renu na firmantadu diritu pa sempri.

Daniel 8:25

Ku si jiresa i na pui pa nganu vensi. Dipus i na sinti orgulyu na si korson. I na kaba ku manga di jinti sin avisu. I na lanta kontra Rei mas garandi di tudu, ma i na kebradu sin ajuda di mon di omi.

Aẑeu 2:22

N na bati tronu di renus, N dana forsa di renus di nasons; N na kaba ku karus ku kilis ku ta sinta nelis; kabalus ku kilis ku ta monta nelis e na kai, kada un pa spada di si ermon.

Zakarias 12:3

Na ki dia, N na pui Jerusalen pa i sedu pedra pisadu pa tudu nasons. Tudu kilis ku misti cigantal e na molosta. Tudu nasons di mundu na junta kontra el.

Malakias 1:11

Ña nomi na sedu garandi na metadi di nasons desdi saida di sol te na si kaida; na tudu lugar nsensu ku ofertas puru na pursentadu na ña nomi, pabia ami N na sedu garandi na metadi di nasons.” Asin ku SIÑOR ku ten tudu puder fala.

Mateus 21:24

Jesus fala elis: “Ami tambi N na punta bos un kusa. Si bo kontan el, ami tambi N na konta bos kal diritu ku N ten pa fasi e kusas.

Mateus 24:35

Seu ku tera na pasa, ma ña palabra ka na pasa.

Lukas 17:20

Oca fariseus puntal kal tempu ku renu di Deus na bin, Jesus ruspundi i fala elis: “Renu di Deus ka na bin suma kusa ku bo pudi oja.

Ripitison di Lei 10:17

SIÑOR bo Deus i Deus riba di tudu deusis, SIÑOR riba di tudu siñoris, Deus garandi, ku jinti dibi di medi, ku ten puder, ku ka ta fasi skuju nin i ka ta seta suku di bas.

Apokalipsi 1:19

Skirbi e kusas ku bu oja, ku sedu di gosi, ku kil ku na bin bin dipus.

Apokalipsi 19:17

N oja un anju sikidu na sol, i grita ku garandi vos, i fala tudu kacus ku na bua na seu: “Bo bin, bo junta pa garandi festa di Deus,

Apokalipsi 4:1

Dipus des, N rabida N oja i staba un porta abertu na seu. Vos ku N obiba purmeru ku na papia ku mi suma korneta i falan: “Subi li pa N mostrau kusas ku ten ku sedu dipus des.”