Daniel 2:41 - BIBLIA - traduson antigu in Krioulo

⁴¹ Suma ku bu oja pes ku dedus, un parti di lama suma kil ku ta kumpudu puti ku el, ku utru parti di feru, i na sedu un renu divididu. I na ten un sertu forsa di feru suma ku bu oja feru jagasidu ku lama.

Daniel 2:41 ပူးပေါင်းရင်းမြစ်များ

Daniel 2:40

Dipus i na ten un kuartu renu ku na sedu forti suma feru, ku ta kebra-kebra i dana tudu. Suma ku feru ta kebra tudu kusa, asin ku ki renu na kebra-kebra ki utru renus.

Daniel 2:42

Suma ku dedus di pe seduba un parti di feru, utru parti di lama, asin ku ki renu na ten si forsa, i na ten tambi si frakesa.

Daniel 7:24

Ki des cifri i des rei ku na lanta na ki mesmu renu. Dipus, utru rei na bin lanta, ku na sedu diferenti di ki purmerus; i na ngaña tris di ki reis.

Daniel 7:7

Dipus di kila, N kontinua na jubi na ki visons di noti; N oja kuartu limaria meduñu, ku ta pui algin panta, forti dimas. I teneba dintis garandi di feru, i ta kebra-kebraba kil ki paña, i ta ngulil, i ta masa ku pe kil ku sobra. I seduba diferenti di tudu limarias ku bin purmeru. I teneba des cifri.

Apokalipsi 12:3

Utru sinal ojadu na seu, di un garandi limaria burmeju suma lagartu, ku comadu dragon, ku teneba seti kabesa ku des cifri. Riba di si kabesa i tene seti koroa.

Apokalipsi 13:1

N oja un besta subi na mar, ku teneba des cifri ku seti kabesa. Riba di si cifris i teneba des koroa. Na kada kabesa i tenba palabra mau kontra Deus.

Apokalipsi 17:12

“Ki des cifri ku bu oja i des rei ku ka rena inda, ma e na dadu puder pa rena un ora juntu ku besta.