Daniel 2:39 - BIBLIA - traduson antigu in Krioulo

³⁹ “Dipus di bo i na lanta utru renu ku ka na sedu garandi suma di bo. Dipus i na ten un terseru renu, di kobri, ku na bin manda na tudu mundu.

Daniel 2:39 ပူးပေါင်းရင်းမြစ်များ

Isaias 44:28

I ami ku na fala aserka di Siru kuma el i ña ŝef; i na fasi tudu kil ku N misti. I na da ordi pa Jerusalen kumpudu, tambi pa templu pudu alisersu.”

Daniel 10:20

I puntan: “Bu sibi ke ku manda N bin pa bo? I pa kontau ke ku sta skritu na libru di bardadi. N na riba pa geria kontra ŝef di Persia. Ora ku N bai, ŝef di Gresia na bin. I ka ten ningin ku ta apoian kontra elis si i ka sedu Migel, bo anju.

Daniel 2:32

Kabesa di ki statua i seduba di uru finu, si pitu ku si brasus i di prata, si bariga ku si rabada i di kobri,

Daniel 2:38

i ntrega na bu mon tudu jinti ku limarias ku kacus na kualker kau ke sta nel, i dau puder pa manda riba delis; abo i ki kabesa di uru.

Daniel 2:40

Dipus i na ten un kuartu renu ku na sedu forti suma feru, ku ta kebra-kebra i dana tudu. Suma ku feru ta kebra tudu kusa, asin ku ki renu na kebra-kebra ki utru renus.

Daniel 7:23

Ki algin falan: “Kuartu limaria na sedu kuartu renu na mundu, ku na sedu diferenti di tudu utru renus. I na nguli tudu mundu, i na masa utrus ku pe, i na sapa-sapa elis.

Daniel 8:20

Ki karnel macu ku bu oja ku dus cifri i reis di Media ku Persia.

Daniel 8:21

Ki kabra macu ku manga di kabelu i rei di Gresia. Cifri garandi na metadi di si uju i si purmeru rei.

Zakarias 6:3

di terseru karu, branku, di kuartu, kastañu. Elis e forti.

Zakarias 6:6

Karu ku tene kabalus pretu na bai pa tera di norti, ki brankus na bai pa ladu di kaida di sol; karu ku tene kabalus kastañu na bai pa tera di sul.”