Daniel 2:22 - BIBLIA - traduson antigu in Krioulo

²² El i ta mostra kusas fundu o sukundidu; i sibi ke ku sta na sukuru; lus ta sta ku el.

Daniel 2:22 ပူးပေါင်းရင်းမြစ်များ

Kumsada 41:16

José ruspundi Faraó: “Es i ka sta na mi, ma Deus na da Faraó un rasposta di pas.”

Jo 12:22

I ta mostra kusas fundu na sukuru; i tisi sombra di mortu pa klaridadi.

Jo 26:6

Mundu di mortus sta nun si dianti, i ka kubridu.

Salmus 104:2

Bu kubri ku lus suma panu; bu distindi seu suma kurtina.

Salmus 25:14

SIÑOR ta konta si sigridu pa kilis ku rispital, i ta pui elis kunsi si kontratu.

Salmus 36:9

pabia fonti di vida sta na bo; na bu lus no ta oja lus.

Eklesiastis 8:1

Kin ku sedu suma omi jiru? Kin ku pudi splika sintidu di kusas? Jiresa di omi ta pui si rostu kontenti, i ta muda ruñesa di si rostu.

Isaias 41:22

Bo bin kontanu kusas ku na bin sedu; bo kontanu kusas ku pasa ja pa no pudi pensa nelis diritu, pa sibi se kabantada.

Isaias 41:26

Kal di bos ku konta e kusa disna di kumsada, antis di i bin sedu, pa no pudi sibi, no fala: ‘I tenba roson’? Ma i ka ten ningin ku kontaba antis di i bin sedu, ku fadi kin ku obiba e palabras na bo boka.

Isaias 42:9

Ali ki kusas ku N konta bos purmeru, e sedu ja. Gosi N na konta bos kusas nobu. Antis de bin ojadu, N na pui pa bo obil.”

Isaias 45:7

N forma klaridadi ku sukuru; N ta pui pa kusa kuri diritu, o i kuri mal. Ami, SIÑOR, N ta fasi tudu e kusas.

Jeremias 23:24

Algin pudi sukundi na un kau ku N ka na ojal? Nta ami N ka inci seu ku tera?” Asin ku SIÑOR punta.

Jeremias 33:3

Coman, N ta kudiu, N ta kontau kusas garandi, sukundidu, ku bu ka sibi.

Daniel 2:11

Kusa ku rei na pidi i kansadu dimas. Ningin ka pudi kontau ki kusa si i ka deusis ku ka ta mora na metadi di jinti.”

Daniel 2:19

Di noti Daniel mostradu tudu ki sigridu na vison. I ngaba Deus di seu,

Daniel 2:47

Rei fala Daniel: “Na bardadi bo Deus i Deus riba di utru deusis, i SIÑOR riba di reis, mostradur di sigridus, pabia bu pudi mostra e sigridu.”

Daniel 5:11

I ten un omi na bu renu ku tene spiritu di deusis santu. Oca ku bu pape seduba rei, ki omi i mostra lus di jiresa ku kuñisimentu, suma kuñisimentu di deusis. Bu pape, rei Nabukodonosor, i pul ŝef riba di diviñaduris, jambakusis, astrologus ku pauterus.

Daniel 5:14

N obi aserka di bo kuma spiritu di deusis sta na bo, kuma bu tene lus ku ntindimentu ku garandi jiresa.

Mateus 13:13

Roson ku manda N ta fasi elis komparason i pabia e ta jubi, e ka ta oja; e ta sukuta, e ka ta obi, nin e ka ta ntindi.

Bon Noba di Jesus Kristu ku Jon 1:9

Ki Palabra seduba lus di bardadi ku bin na mundu pa numia tudu jinti.

Bon Noba di Jesus Kristu ku Jon 21:17

Jesus puntal terseru bias: “Simon, fiju di Jon, bu aman?” Simon fika tristi manera ku Jesus puntal tris bias si i amal. I ruspundil: “Siñor, bu sibi tudu; bu sibi kuma N amau.” Jesus falal: “Bakia ña karnel.

Bon Noba di Jesus Kristu ku Jon 8:12

Jesus torna papia ku jinti, i fala: “Ami i lus di mundu; kin ku ta sigin ka ta yanda na sukuru, ma i ta tene lus di vida.”

1 Koríntius 4:5

Asin, ka bo julga antis di ora. Bo pera tok Siñor bin. I na pui na lus kusa ku sukundidu na sukuru. I na mostra kalkulus ku sta dentru di jinti. Dipus, Deus ta ngaba kada kin suma ki mersi.

Efésius 3:5

Na tempu ku pasa, e sigridu ka diskubridu pa jinti, ma gosi Deus usa si Spiritu pa diskubril pa si santu apostolus ku anunsiaduris.

Ripitison di Lei 29:28

SIÑOR rinka elis na se tera ku forsa di fugu di si raiba, i bota elis pa utru tera, suma ku no na oja aos.”

1 Timótiu 6:16

El son ku ka ta muri, i mora na lus ku ningin ka pudi ciga nel. Ningin ka ojal, nin i ka pudi ojadu, kil ku ten ku dadu onra ku puder pa sempri. Amen.

Ebreus 4:13

I ka ten nada ku Deus kumpu ku pudi sukundi del, ma tudu kusa sta nun i klaru na uju di kil ku no ten ku da konta si dianti.

Tiagu 1:17

Tudu bon pursenti ku tudu kusa diritu ku no patidu, i bin di riba; i disi di Pape, dunu di lus di seu, ku ka ta muda, ku ka tene sombra.

1 Jon 1:5

Es i rekadu ki danu, ku no na konta bos, kuma Deus i lus. Nin sukuru ka sta nel.