Daniel 2:20 - BIBLIA - traduson antigu in Krioulo

²⁰ i fala: “Pa nomi di Deus ngabadu pa sempri! I el ku ten jiresa ku puder.

Daniel 2:20 ပူးပေါင်းရင်းမြစ်များ

Kumsada 14:20

Deus ku sta riba di tudu, ku ntrega bu inimigus na bu mon, pa i ngabadu!” Abron dal desimu parti di tudu ki tira na mon di ki reis.

1 Reis 8:56

“No ngaba SIÑOR ku da diskansu pa si pobu Israel, konformi tudu ki falaba. Nin un palabra ka maina di tudu bon purmesas ki fasi na boka di si servu Moisés.

1 Kronikas 29:20

Dipus Davi fala tudu juntamentu: “Bo ngaba SIÑOR bo Deus!” Asin tudu pobu mborka dianti di SIÑOR, tambi dianti di rei, e ngaba SIÑOR Deus di se papes.

2 Kronikas 20:21

Dipus ki konsulta ideia di pobu, i da kantaduris ordi pa e kanta pa SIÑOR, e ngabal na si puresa ku si garandesa di rei, pa e sai dianti di forsas yarmadu, e kanta: “Bo ngaba SIÑOR, pabia si bondadi i pa sempri!”

Neemias 9:5

Levitas Jesua, Kadmiel, Bani, Asabneias, Serebias, Odias, Sebanias ku Petaias e fala: “Bo lanta, bo fala ben di SIÑOR bo Deus ku ka ten kumsada, i ka ten kabantada.” “No misti pa jinti ngaba bu nomi gloriosu, ku sta riba di tudu benson ku lovor.

Jo 12:13

“Ma i Deus ku ten jiresa ku forsa; el ku ten konsiju ku ntindimentu.

Salmus 113:1

Bo ngaba SIÑOR! Abos, servus di SIÑOR, bo ngabal; bo ngaba nomi di SIÑOR.

Salmus 113:2

Nomi di SIÑOR pa i ngabadu disna di gosi, pa sempri.

Salmus 115:18

Ma anos ku sta bibu, no na fala ben di SIÑOR, disna di gosi pa sempri. Bo ngaba SIÑOR!

Salmus 147:5

No SIÑOR i garandi, i ten garandi puder; si ntindimentu ka ten limiti.

Salmus 41:13

SIÑOR Deus di Israel, pa i ngabadu, tudu tempu, pa sempri. Amen! Amen!

Salmus 50:23

Kil ku ta pursenta sakrifisiu di gardisimentu i ta glorifikan. Kil ku ta yanda diritu na kamiñu, N na mostral ña salbason.”

Salmus 62:11

Deus papia un bias; ami N obi dus kusa: kuma puder pertensi Deus;

Ditus 8:14

Konsiju ku jiresa i di mi; N ten ntindimentu ku forsa.

Jeremias 32:19

Bu tene planus garandi, ku garandesa na bu tarbaju. Bu uju sta abertu pa tudu kamiñu di omi, pa da kada kin konformi si manera di yanda, konformi i mersi pa kusas ki fasi.

Ezekiel 28:3

Nta abo bu mas jiru di ki Daniel? I ka ten sigridu ku pudi sukundi di bo?

Mateus 6:13

Ka bu lebanu pa tentason, ma libranu di ki algin malvadu. [Pabia renu i di bo, ku puder ku gloria pa sempri. Amen.]’

Judas 1:24

Deus ku ten puder pa libra bos di kai, pa leba bos dianti di si pursensa gloriosu, sin kulpa, ku alegria,

Apokalipsi 5:12

E na falaba ku vos altu: “Karnel ku matadu i mersidur di risibi puder, rikesa, jiresa, forsa, rispitu, gloria ku lovor.”