Daniel 2:12 - BIBLIA - traduson antigu in Krioulo

¹² Rei paña raiba tok i pirdi kontrolu, i da ordi pa mata tudu konsijaduris di Babilonia.

Daniel 2:12 ပူးပေါင်းရင်းမြစ်များ

Jo 5:2

Bu ta sedu tulu si bu fika ku kudadi, bu guarda raiba dentru di bo tok i matau.

Salmus 76:10

Bu pudi usa te raiba di omi pa pui jinti ngabau; raiba ku sobra, bu ta maral.

Ditus 16:14

Si rei paña raiba, bu pudi sibi kuma algin na muri, ma omi jiru ta kalmal.

Ditus 19:12

Raiba di rei i suma gritu di lion, ma si fabur i suma serenu riba di paja.

Ditus 20:2

Raiba di rei i suma gritu di lion. Kil ku lantandal, i na pui si vida na pirigu.

Ditus 29:22

Omi ku ta paña raiba i ta lantanda jus, i ta buri pekadus.

Daniel 2:24

Daniel bai papia ku Ariok, ku rei mandaba pa mata tudu konsijaduris di Babilonia; i yentra i falal: “Ka bu mata elis. Leban pa rei; N na splikal si suñu.”

Daniel 2:5

Rei ruspundi astrologus, i fala elis: “Kil ku N suña i kaplin. Si bo ka kontan ke ku N suña, ku si splikason, bo na sapa-sapadu, bo kasas na bidantadu muntudu.

Daniel 3:13

Nabukodonosor paña raiba dimas, i manda coma Sadrak, Mesak ku Abednegu. E tisi elis si dianti.

Daniel 3:19

Nabukodonosor paña raiba forti tok si rostu bida utru manera kontra Sadrak, Mesak ku Abednegu. I da ordi pa e kenta furnu seti bias mas di ki kil ke kustuma ta fasiba.

Daniel 5:19

Pabia di garandesa ku Deus dal, tudu pobu ku nason ku jinti di tudu lingua e sinti medu del tok e ta panta. I ta mata kin ki misti mata, i ta guarda algin ku vida si i misti; i ta pui algin na lugar altu si i misti; i ta baŝa algin si i misti.

Mateus 2:16

Oca ku Erodis bin sibi kuma ki omis jiru nganal, i paña raiba. I manda mata tudu mininus ku staba na Belen, ku kilis di roda di Belen, di dus anu pa bas, konformi tempu ki puntaba omis jiru.

Mateus 5:22

Ma ami N na konta bos: tudu algin ku paña raiba kontra si ermon [sin roson] i na julgadu; kil ku koba si ermon, i comal tulu, i na julgadu na Konseliu; o i falal stupidu, i mersi bai pa fugu di nfernu.