Daniel 11:15 - BIBLIA - traduson antigu in Krioulo

¹⁵ Rei di norti na bai, i na lantanda rampas di kamba, i toma prasa fortifikadu. Tropas di sul ka na pudi nguenta; te ki mas minjoris ka na ten forsa pa firma kontra inimigu.

Daniel 11:15 ပူးပေါင်းရင်းမြစ်များ

Jeremias 33:4

Ami, SIÑOR Deus di Israel, N fala aserka di kasas de prasa, ku kasas di reis di Judá ku jinti bati pa fasi difesa kontra rampa di kamba, tambi kontra spada,

Jeremias 5:10

N na da ordi pa inimigus pa e pasa na orta di pe di uva, pa danal, ma pa ka e kaba ku el tudu. N na fala elis pa e tira si ramus pabia e ka sedu di SIÑOR.

Jeremias 52:4

Na dia 10 di desimu mis di anu 9 di si renansa, Nabukodonosor, rei di Babilonia, i bin kontra Jerusalen ku tudu si tropas; e taja prasa, e kumpu toris di bisia na roda del.

Jeremias 6:6

Asin ku SIÑOR ku ten tudu puder fala: “Bo korta arvuris, bo pui rampas di kamba kontra Jerusalen. E prasa ten ku kastigadu, pabia e sta son na kalka ŋutru.

Ezekiel 17:17

Faraó ku si tropas forti ku si garandi multidon i ka na judal na gera, ora ku tropas di Babilonia lantanda rampas di kamba, e kumpu toris di bisia pa kaba ku manga di vida.

Ezekiel 4:2

Pa mostra kuma i na tajadu, bu na kumpu toris di bisia kontra el, ku rampas di kamba, bu na kumpu kampamentus kontra el, tudu na roda bu na pui pos forti pa batil ku el.

Daniel 11:14

“Na ki tempu manga di jinti na lanta kontra rei di sul. Utru omis brabu, di bu propi pobu, Daniel, e na lanta pa tenta kumpri kualker vison, ma e na kai.

Daniel 11:6

Dipus ku anus pasa, ki dus rei na fasi kontratu. Fiju femia di rei di sul na bai kasa ku rei di norti, ma i ka na guarda si forsa. Nin rei nin si jorson ka na kontinua. Minjer na ntregadu, ku kilis ku bin ku el, ku si pape, ku kil ku tomal.

Daniel 8:7

N ojal i ciga pertu di karnel ku garandi raiba; i maja ki karnel, i kebral si dus cifri. Asin karnel ka tenba forsa pa difindi. I botal na con, i masal ku pe; i ka tenba kin ku pudi libra ki karnel na si mon.

Josué 1:5

Ningin ka na firma bu dianti kontra bo na tudu dias di bu vida. Suma ku N staba ku Moisés, asin ku N na sta ku bo. N ka na disau, nin N ka na bandonau.