Daniel 10:5 - BIBLIA - traduson antigu in Krioulo

⁵ N yalsa uju, N oja un omi ku bisti ropa di liñu, maradu ku sintu di uru finu di Ufaz.

Daniel 10:5 ပူးပေါင်းရင်းမြစ်များ

Isaias 11:5

I na guberna si pobu ku justisa ku bardadi.

Jeremias 10:9

E tisi prata di Tarsis, ku uru di Ufaz; jinti ku sibi tarbaja ku prata ku uru e kumpu idulus ku ta bistidu ku fazenda azul ku purpura, tisidu pa algin ku sibi fasil.

Ezekiel 9:2

N oja seis omi ku na bin na kamiñu di porton di riba, ku ta fika na ladu di norti, kada kin ku si material ku ta mata na mon. Na se metadi i tenba un omi ku bisti ropa di liñu, ku material di skirbi na si sintura. E yentra, e firma lungu di altar di kobri.

Zakarias 1:8

Di noti ami, Zakarias, N teneba vison, N oja un omi montadu na kabalu burmeju. I para na metadi di murteras ku staba na un kobon fundu. Tras del i staba kabalus burmeju, kastañu ku branku.

Efésius 6:14

Asin, bo firma risu; bo tene bardadi suma sintu ku bo mara; bo vida retu i ta sedu bo armadura di pitu.

Josué 5:13

Oca ku Josué staba pertu di Jerikó, i yalsa uju, i oja un omi ku firma si dianti, ku teneba si mon na spada ki busi. Josué bai pa el i puntal: “Abo i di nos o di no inimigus?”