Daniel 10:13 - BIBLIA - traduson antigu in Krioulo

¹³ ma ŝef di renu di Persia tajan kamiñu pa vinti i un dia. Suma ku N staba la ku rei di Persia, ami son, Migel, un di ŝefis di anjus, i bin judan.

Daniel 10:13 ပူးပေါင်းရင်းမြစ်များ

Esdras 4:24

Obra di kasa di Deus na Jerusalen para te na sugundu anu ku Dariu na renaba riba di Persia.

Daniel 12:1

“Na ki tempu Migel, ki ŝef di anjus ku ta guarda bu pobu, i na lanta. I na ten un tempu di garandi sufrimentu, ku nunka ka tenba disna ku nasons ten te na ki dias. Na ki tempu bu pobu na libradu, kada un ku si nomi ojadu skritu na libru di Deus.

Efésius 6:12

pabia no ka na geria kontra jinti, ma kontra garandi puderis ku otridadis ku ŝefis sataniku ku ta manda ne mundu sukuru, ku forsa spiritual di mal na mundu selestial.

Kolosensis 2:10

Abos, suma ku bo sta ligadu ku el, bo sta kompletu. I el ku sta riba di tudu gubernu ku otridadi di ar.

1 Tesalonisensis 2:18

Asin no pui sintidu pa bai nunde bos (ami Paulu mas di ki un bias N buska bai) ma Satanas tujinu.

1 Pedru 3:22

i riba pa seu, i sta na mon direita di Deus, nunde ku tudu anju ku otridadi ku puder di seu sta bas del.

Judas 1:9

Ŝef di anjus propi, Migel, oca ki na diskuti ku diabu, e na junda-junda pabia di kurpu di Moisés, i ka osa fala palabra mau pa kondenal, ma i falal: “Siñor ta raprindiu.”

Apokalipsi 12:7

I rebenta gera na seu. Migel ku si anjus geria kontra dragon. Dragon ku si anjus e geria,