Daniel 1:7 - BIBLIA - traduson antigu in Krioulo

⁷ Ŝef di funsionarius pui elis utru nomis. I pui Daniel nomi di Beltesazar; i coma Ananias Sadrak; i coma Misael Mesak; Azarias, i comal Abednegu.

Daniel 1:7 ပူးပေါင်းရင်းမြစ်များ

Kumsada 41:45

Faraó coma nomi di José Zafenat-Paneia; i dal Asenat, fiju di Potífera, saserdoti di On, pa i sedu si minjer. José ta yandaba na tudu tera di Ejitu.

2 Reis 23:34

Faraó-Neku pui Eliakin, fiju di Josias, pa i sedu rei na lugar di si pape, i muda si nomi pa Jeoiakin. I toma Jeoakaz, i lebal pa Ejitu, nunde ki bai muri nel.

2 Reis 24:17

Rei di Babilonia pui Matanias, tiu di Joakin, pa i sedu rei na si lugar; i muda si nomi pa Zedekias.

Daniel 1:19

Rei papia ku elis tudu, ma na se metadi i ka oja utru joven suma Daniel, Ananias, Misael ku Azarias. Asin e yentra na tarbaju di rei.

Daniel 1:3

Rei fala Aspenaz, ŝef di si funsionarius di palasiu, pa i tisil utru fijus di Israel, di familia di rei ku di utru familias mas altu,

Daniel 10:1

Na terseru anu ku Siru seduba rei di Persia, Daniel, ku teneba nomi di Beltesazar, i mostradu un palabra. Ki palabra i bardadi; i trata di un gera kumpridu. Ntindimentu de palabra i bin pa el na un vison.

Daniel 2:26

Rei punta Daniel (ku teneba nomi di Beltesazar): “Bu pudi kontan ke ku N oja na suñu, bu splikan el?”

Daniel 2:49

Daniel pidi rei; rei pui Sadrak, Mesak ku Abednegu pa e sedu administraduris di pruvinsia di Babilonia, ma Daniel sempri i ta tarbajaba na palasiu.

Daniel 4:5

N bin tene un suñu ku pantandan; oca N staba na ña kama, pensamentus di ña kabesa ku kusas ku N oja na vison e fasin N fika tarpajadu.

Daniel 4:8

Pa ultimu, Daniel yentra nunde mi, ku tene nomi di Beltesazar, konformi nomi di ña deus, ku tene spiritu di deusis santu. N kontal ña suñu, N falal:

Daniel 5:12

Ki omi, ku sedu Daniel, ku rei coma Beltesazar, i ojadu ku spiritu alertu, ku kuñisimentu ku ntindimentu; i pudi splika signifikadu di suñus, tambi kusa ku kansadu ntindi; i ta rezolvi tambi purblemas. Coma Daniel, i na splikau signifikadu de skritura.”