Daniel 1:19 - BIBLIA - traduson antigu in Krioulo

¹⁹ Rei papia ku elis tudu, ma na se metadi i ka oja utru joven suma Daniel, Ananias, Misael ku Azarias. Asin e yentra na tarbaju di rei.

Daniel 1:19 ပူးပေါင်းရင်းမြစ်များ

Kumsada 41:46

I teneba idadi di trinta anu kontra i yentra na sirvis di Faraó, rei di Ejitu. José sai na pursensa di Faraó, i yanda na tudu tera di Ejitu.

1 Reis 17:1

Elias, di Tisbe na Jilead, fala Akab: “N jurmenta pa vida di SIÑOR Deus di Israel, kil ku N ta sirbi, kuma, ne anus ku na bin, i ka na ten nin serenu nin cuba tementi N ka fala pa i cubi.”

Ditus 22:29

Bu oja un omi ku ta tarbaja diritu? I na bin kolokadu na tarbaju di rei; i ka na tarbaja pa kualker algin.

Jeremias 15:19

SIÑOR falan: “Si bu riba, N na setau suma ña servu. Si bu papia bon palabra te pa bu papia mal, bu ta sedu ña anunsiadur. Disa elis e riba pa bo, ma ka bu bai pa se ladu.

Daniel 1:18

Ki tris anu pasa; tempu ciga ku rei marka pa e lebadu si dianti. Ŝef di funsionarius leba elis dianti di Nabukodonosor.

Daniel 1:4

jovens sin difeitu na kurpu, bonitu, ben nsinadu, ku sibi ciu, lestu pa ntindi, ku sibi vivi na palasiu di rei. I falal tambi pa i nsina elis skirbi ku lei na lingua di Babilonia.

Daniel 1:5

Rei da ordi pa e dadu un sertu kiñon kada dia di mesmu kumida ku el i ta kumeba, ku di biñu ki ta bibiba. E tenba ku trenadu pa tris anu. Dipus e ten ku bai pursenta dianti di rei.

Daniel 1:6

Daniel, Ananias, Misael ku Azarias staba na metadi di kilis ku kujidu na fijus di Judá.

Daniel 1:7

Ŝef di funsionarius pui elis utru nomis. I pui Daniel nomi di Beltesazar; i coma Ananias Sadrak; i coma Misael Mesak; Azarias, i comal Abednegu.

Daniel 2:13

Asin un ordi sai ku fala kuma tudu konsijaduris ten ku matadu. Jinti bai buska Daniel ku si kumpañeris pa e matadu.

Daniel 3:29

Asin N na fasi un lei ku na fala kuma, algin di kualker pobu, nason o lingua ku koba Deus di Sadrak, Mesak ku Abednegu, i na sapa-sapadu, si kasa na fasidu muntudu, pabia i ka ten utru deus ku pudi libra suma es.”