Daniel 1:17 - BIBLIA - traduson antigu in Krioulo

¹⁷ Deus da ki kuatru joven kuñisimentu ku ntindimentu na tudu kultura, ku jiresa, ma i da Daniel kapasidadi di ntindi tudu tipu di vison ku suñu.

Daniel 1:17 ပူးပေါင်းရင်းမြစ်များ

1 Reis 3:12

N na fasi konformi bu pidin. N na dau un sintidu di jiresa ku ntindimentu, ku ka ciga di ten antis di bo, nin dipus di bo i ka na ten utru suma di bo.

1 Reis 3:28

Oca ku tudu jinti di Israel obi manera ku rei julga ki kasu, e sinti garandi rispitu pa el, pabia e oja kuma jiresa di Deus staba nel pa fasi justisa.

2 Kronikas 1:10

Asin, bu ta dan jiresa ku kuñisimentu pa N pudi gia e pobu, pabia kin ku pudi guberna es bu pobu manera ki garandi?”

2 Kronikas 1:12

asin N na dau jiresa ku kuñisimentu. Tambi N na dau rikesas ku kusas di balur, ku rispitu, ku nin un rei antis di bo ka teneba; dipus di bo, nin un ka na tenel.”

2 Kronikas 26:5

I pui sintidu pa buska Deus na tempu di Zakarias, ku nsinalba pa i ntindi kusas di Deus. Nkuantu i na buskaba SIÑOR, Deus pui kusas pa e kuril diritu.

Jo 32:8

Na bardadi i ten spiritu na omi, ku sedu folgu di Deus ku ten tudu puder; el ku ta dal ntindimentu.

Ditus 2:6

pabia SIÑOR i ta da jiresa; di si boka i ta bin kuñisimentu ku ntindimentu.

Eklesiastis 2:26

Deus ta da jiresa, kuñisimentu ku kontentamentu pa omi ki bon si dianti, ma kil ku ta fasi pekadu, Deus ta pul pa i tarbaja, i junta, i ruma, pa i pudi da pa kin ku ta pui Deus kontenti. Es tambi i bakatela, i suma algin ku na serka bentu.

Isaias 28:26

I si Deus ku ta nsinal, i mostral ke ki dibi di fasi.

Ezekiel 28:3

Nta abo bu mas jiru di ki Daniel? I ka ten sigridu ku pudi sukundi di bo?

Daniel 1:18

Ki tris anu pasa; tempu ciga ku rei marka pa e lebadu si dianti. Ŝef di funsionarius leba elis dianti di Nabukodonosor.

Daniel 1:20

Tudu asuntu ku rei punta elis ku ta iziẑi kuñisimentu ku ntindimentu, i ta oja elis des bias mas jiru di ki tudu diviñaduris ku jambakusis ku staba na tudu si renu.

Daniel 1:4

jovens sin difeitu na kurpu, bonitu, ben nsinadu, ku sibi ciu, lestu pa ntindi, ku sibi vivi na palasiu di rei. I falal tambi pa i nsina elis skirbi ku lei na lingua di Babilonia.

Daniel 10:1

Na terseru anu ku Siru seduba rei di Persia, Daniel, ku teneba nomi di Beltesazar, i mostradu un palabra. Ki palabra i bardadi; i trata di un gera kumpridu. Ntindimentu de palabra i bin pa el na un vison.

Daniel 2:19

Di noti Daniel mostradu tudu ki sigridu na vison. I ngaba Deus di seu,

Daniel 2:21

I el ku ta kontrola mudansa di tempu ku oras, i ta pui reis, i tira elis. I ta da jiresa pa jirus ku kuñisimentu pa ntindidus.

Daniel 2:23

Deus di ña papes, N ngabau, N falau obrigadu, pabia bu dan jiresa ku forsa, bu kontan ke ku no pidiu; bu fasinu sibi suñu di rei.”

Daniel 2:30

Ami N mostradu e sigridu; i ka pabia N jiru mas di ki tudu jinti, ma pa rei pudi sibi si splikason, i pudi ntindi pensamentus ku pasa na si kabesa.

Daniel 4:6

Asin N da ordi pa tudu konsijaduris di Babilonia tisidu ña dianti, pa e splikan signifikadu di ki suñu.

Daniel 5:14

N obi aserka di bo kuma spiritu di deusis sta na bo, kuma bu tene lus ku ntindimentu ku garandi jiresa.

Daniel 7:1

Na purmeru anu ku Belsazar seduba rei di Babilonia, oca ku Daniel dita na si kama, i suña, i oja visons na si kabesa. I skirbi relatoriu di kusas ki oja.

Daniel 8:1

Na terseru anu di renansa di Belsazar, ami, Daniel, N teneba vison, dipus di ki utru ku N teneba purmeru.

Numerus 12:6

I fala elis: “Bo sukuta ke ku N na fala. “Si anunsiadur ten na bo metadi, ami, SIÑOR, N ta pul pa i kunsin na vison, o N ta papia ku el na suñus.

Lukas 21:15

pabia N na da bos palabra ku jiresa ku nin un di bo inimigus ka na pudi firma ku bos, nin i ka na pudi bati bos na palabra.

Atus 6:10

Spiritu da Stevon garandi jiresa ke ka pudi nguenta pa diskuti ku el.

Atus 7:10

i libral di tudu si kansera, i dal jiresa, ku fabur na uju di Faraó, rei di Ejitu, ku pul gubernadur pa i manda na Ejitu ku tudu si palasiu.

Atus 7:22

Moisés dadu tudu nsinamentu suma jinti di Ejitu. I tenba puder na si palabra ku kil ki na fasi.

Kolosensis 1:9

Pa e roson anos tambi, disna di dia ku no obi e noba, no ka para ora pa bos; no pidi Deus pa i inci bos di kuñisimentu di si vontadi, ku tudu jiresa ku ntindimentu ku Spiritu ta da,

Tiagu 1:17

Tudu bon pursenti ku tudu kusa diritu ku no patidu, i bin di riba; i disi di Pape, dunu di lus di seu, ku ka ta muda, ku ka tene sombra.

Tiagu 1:5

Si un di bos ka sibi ke ki dibi di fasi, pa i pidi Deus jiresa; i ta dadu. Deus ta da tudu jinti ku vontadi; i ka ta nfastia.