Aẑeu 1:6 - BIBLIA - traduson antigu in Krioulo

⁶ Bo sumia ciu, bo kebra puku; bo ta kume ma bo ka ta farta; bo ta bibi ma bo ka ta justanda; bo ta bisti ma bo ka ta kinti; bo ta risibi bo pagamentu, bo ta pul na saku furadu.

Aẑeu 1:6 ပူးပေါင်းရင်းမြစ်များ

2 Samuel 21:1

Na tempu di Davi i tenba fomi ku dura pa tris anu. Davi bai punta SIÑOR; SIÑOR falal: “I pabia di kulpa di sangi ku sta riba di Saul ku si familia, manera ki mata jibeonitas.”

1 Reis 17:12

Minjer falal: “N jurmenta pa vida di SIÑOR bu Deus kuma N ka tene nin un padas di pon, son un mon di foriña na un jaru, ku un bokadiñu di azeiti na garafa. Alin li N bin pa kuji dus po di leña pa N bai kusña pa mi ku ña fiju, pa no kumel antis di no muri.”

Neemias 5:2

Utrus na fala: “Anos ku no fijus no ciu; no pirsisa di arus pa kume, pa no ka muri.”

Jo 20:22

Na tempu ki tene ciu kusas na si mon i na bin oja foronta. Tudu pesu di kasabi na bin riba del.

Jo 20:28

Korentis di yagu na leba rikesas di si kasa na dia di raiba di Deus.

Salmus 107:34

Tera ku ta pruduzi ciu, i bidantal suma lala salgadu, pabia di maldadi di kilis ku mora la.

Ditus 11:24

Kin ku ta da libri vontadi, i ta risibi kada bias mas; kin ku ta guarda mas di ki kil ki dibi di guarda, i ta fika mas koitadi.

Isaias 5:10

Un orta di uva di des ektar i ka na rindi mas di ki vinti litru di biñu; duzentus kufu di simentera ka na rindi mas di ki vinti kufu.”

Jeremias 12:13

E sumia trigu, e kebra fididas. E kansaba, ma e ka oja purbitu. Bo kebur na tisi borgoña pa bos, pabia di raiba garandi di SIÑOR.”

Jeremias 14:4

Con findi, pabia cuba ka cubi; labraduris disanimadu, e kubri se kabesa.

Jeremias 44:18

ma disna ku no para kema nsensu pa raiña di seu, pa pursental ofertas di bibida, no ten falta di tudu; tambi no na kabadu ku el ku spada ku fomi.”

Oseias 4:10

E na kume ma e ka na farta; e na miti na pekadu seksual ma e ka na padi, pabia e bandona SIÑOR, e bai tras di utru deusis.

Oseias 8:7

“E ta sumia bentu, e ta kebra turbada. Kebur ka ten; pe di miju ka pudi padi; asin i ka na ten foriña. Ma nin si i tenba, stranjerus na ngulilba.

Sirmonias 26:20

Bo forsa na gastadu amonton, pabia bo con ka na da si prudutus; arvuris ka na padi se fruta.

Sirmonias 26:26

Ora ku N bin korta sustentu di kumida, des minjer na kusña bo pon na un furnu. E na pesa pon pa rapatil. Bo na kumel, ma bo ka na farta.

Aẑeu 1:10

“E ku manda seu riba di bos i tuji ku si serenu; con i ka na da si frutus.

Aẑeu 1:5

Ami, SIÑOR ku ten tudu puder, N fala: Bo jubi diritu ke ku bo na fasi.

Aẑeu 1:7

“Ami, SIÑOR ku ten tudu puder, N na fala: Bo jubi diritu ke ku bo na fasi.

Aẑeu 1:9

“Bo na peraba ciu, ma bo oja puku. Oca ku bo tisi ki puku pa kasa, N supral. Pabia di ke? Pabia di ña kasa ku fika danadu, nkuantu kada un di bos na kuri pa si propi kasa.” Asin ku SIÑOR ku ten tudu puder fala.

Aẑeu 2:16

Algin ta baiba pa un monti di vinti midida di miju, i ta oja son des; i ta bai pa kau di biñu pa tira sinkuenta litru, i ta oja son vinti.

Aẑeu 2:17

N kastiga bos na tudu tarbaju di bo mon, ku kemadura, ku ferús, ku cuba di jelu, ma na bo metadi i ka tenba kin ku na riba pa mi.’ Asin ku SIÑOR fala.

Zakarias 5:4

SIÑOR ku ten tudu puder fala: ‘N na manda ki maldison, N na pul pa i yentra na kasa di ladron, ku kasa di algin ku konta mintida bas di juramentu na ña nomi. I na fika na si kasa, i na kaba ku si maderiamentu ku si pedras.’ ”

Zakarias 8:10

Antis di ki tempu ningin ka tenba manera di paga tarbaju ku omi o limaria fasi pa el; i ka tenba pas pa jinti yanda pa fasi tarbaju pabia di inimigu, pabia N cuci tudu jinti, kada un kontra si kumpañer,

Malakias 2:2

Si bo ka obil, bo ka pui sintidu pa da onra pa ña nomi, N na manda maldison kontra bos, N na maldisua bo bensons. N maldisua elis ja, pabia bo ka pui sintidu ne kusa.” Asin ku SIÑOR ku ten tudu puder fala.

Ripitison di Lei 28:17

Bu kufu na maldisuadu, ku bu pilon.