Atus 7:5 - BIBLIA - traduson antigu in Krioulo

⁵ I ka dal yardansa ne tera, nin largura di pe, ma i fala kuma i na bin dal el, pa i sedu dipus pa si jorson. Ma i ka teneba inda fiju.

Atus 7:5 ပူးပေါင်းရင်းမြစ်များ

Kumsada 12:7

SIÑOR bin pa Abron i falal: “N na da e tera pa bu jorson.” Abron kumpu la un altar pa SIÑOR ku binba pa el.

Kumsada 13:15

Tudu tera ku bu na oja, N na dau el, abo ku bu jorson pa sempri.

Kumsada 15:18

Na ki mesmu dia, SIÑOR fasi kontratu ku Abron, nunde ki falal: “N da bu jorson e tera disna di riu di Ejitu te na garandi riu Eufrates,

Kumsada 16:2

Oca ku Abron kompleta des anu ki mora na tera di Kanaan, Sarai falal: “SIÑOR tujin padi fiju. Bai bu dita ku ña katibu; talves i pudi padi fiju na ña konta.” Abron obi kil ku Sarai falal. Asin, Sarai, si minjer, toma Agar, si katibu di Ejitu, i da si omi el pa i sedu si minjer.

Kumsada 17:8

Tudu tera di Kanaan, ku bu sedu stranjeru nel gosi, N na dau el, pa i sedu di bo pa sempri. I na sedu di bu jorson dipus di bo; ami N na sedu se Deus.”

Kumsada 23:4

“Ami i stranjeru ku bin mora na bo metadi. Bo bindin un terenu ku pudi sedu simiteriu, pa N pudi ntera ña difuntu.”

Kumsada 26:3

Mora ne tera un bokadu; ami N na sta ku bo, N na da tudu e teras pa bo ku bu jorson. N na konfirma palabra ku N jurmenta pa Abraon, bu pape.

Neemias 9:8

Bu oja si korson fiel bu dianti, bu fasi kontratu ku el, bu fala kuma bu na dal, ku si jorson, tera di kananeus, eteus, amoreus, perizeus, jebuseus ku jirgaseus. Bu kumpri bu palabra pabia abo i fiel.

Ezekiel 33:24

“Fiju di omi, jinti ku mora na ki kaus ku danadu na tera di Israel e na fala: ‘Abraon i un son, i daduba e tera. Anos gora no ciu; asin no dadu e tera pa yarda.’

Ripitison di Lei 10:11

SIÑOR falan: “Lanta bu pega kamiñu dianti di pobu, pa e bai yentra e toma ki tera ku N purmiti se papes ku juramentu kuma N na da elis.”

Ripitison di Lei 11:9

pa bo tarda na ki tera riku ku ta pruduzi ciu, ku SIÑOR jurmenta da bo papes ku se jorson.

Ripitison di Lei 2:5

Ka bo geria ku elis, pabia N ka na da bos nin un padas di se tera ku pudi kibinti bo pe. N da e monti di Seir suma yardansa pa Esaú.

Ripitison di Lei 34:4

SIÑOR falal: “Kila i tera ku N purmiti Abraon, Isak ku Jakó ku juramentu, oca ku N fala elis kuma N na dal pa se jorson. N na mostrau el pa bu ojal ku bu uju, ma bu ka na kamba pa la.”

Ripitison di Lei 9:5

I ka pabia di kuma bu justu o bu tene korson retu ku manda bu na bai yentra pa tene ki tera, ma i pabia di maldadi di ki nasons ku SIÑOR bu Deus na bota elis fora bu dianti; tambi i pa kumpri palabra ku SIÑOR bu Deus jurmenta pa bu papes Abraon, Isak ku Jakó.