Atus 7:36 - BIBLIA - traduson antigu in Krioulo

³⁶ I e Moisés ku tira pobu fora, ku fasi milagris ku sinal na tera di Ejitu, na Mar Burmeju, tambi na lala, pa korenta anu.

Atus 7:36 ပူးပေါင်းရင်းမြစ်များ

Neemias 9:10

Bu mostra sinal ku milagris pa Faraó, ku si ŝefis ku tudu pobu di si tera, pabia bu nota kuma ke kalka elis. Asin bu ngaña nomi ku bu ten te aos.

Salmus 95:10

Duranti korenta anu N ta pañaba raiba ku ki jinti, N fala: “E pobu, se korson ta yara sempri; e nega kunsi ña kamiñus.

Salmus 95:8

ka bo ndurusi bo korson, suma na Meribá, suma ke fasi tambi na dia di tentason, na lala.

Saida 12:41

Dipus de pasa kuatrusentus i trinta anu, na ki dia mesmu, tudu jorsons di fijus di Israel sai di Ejitu.

Saida 14:21

Moisés distindi mon riba di mar. SIÑOR pinca mar pa tras ku bentu forti di saida di sol ku supra tudu ki di noti. Mar torna seku, i dividi na dus parti.

Saida 16:35

Fijus di Israel kume maná duranti korenta anu, te na dia ke ciga na tera nunde ke pudi mora, ku sedu tok e ciga na frontera di Kanaan.

Saida 3:20

Asin, N na distindi ña mon pa kastiga Ejitu ku tudu milagris ku N na fasi na se metadi. Dipus, i na disa bos bai.

Saida 33:1

SIÑOR fala Moisés: “Sai di li, abo ku pobu ku bu tisi di tera di Ejitu, bo bai pa tera ku N jurmenta da Abraon, Isak ku Jakó, oca ku N fala elis kuma N na dal pa se jorson.

Bon Noba di Jesus Kristu ku Jon 4:48

Jesus falal: “Si bo ka oja sinal ku milagri bo ka ta fia.”

Atus 13:18

I sufri se mau manera na lala pertu di korenta anu.

Atus 7:42

Deus lunjusi delis, i bandona elis pa e adora astrus di seu, suma ki sta skritu na libru di anunsiaduris: ‘Abos pobu di Israel, i ka pa mi ku bo tisi limarias, bo ronia ku elis pa korenta anu na lala.

Ripitison di Lei 8:4

Ne korenta anu bu ropa ka gasta, nin bu pe ka inca.

Ebreus 3:8

ka bo ndurusi bo korson suma bo papes di antigu, oca e provoka Deus na ki tempu di probason na lala,

Ebreus 3:9

nunde ke tentan, e proban; korenta anu e oja kusas ku N fasi.

Ebreus 8:9

I ka na sedu suma kontratu ki fasi ku se papes antigu na dia ki pega elis na mon pa tira elis na tera di Ejitu. Suma ke ka sedu fiel pa ki si kontratu, i ka na liga mas ku elis. Asin ku Siñor fala.”