Atus 6:7 - BIBLIA - traduson antigu in Krioulo

⁷ Asin palabra di Deus na spajaba kada bias mas. Numeru di krentis na buri ciu na Jerusalen. Manga di saserdoti seta fe di Jesus.

Atus 6:7 ပူးပေါင်းရင်းမြစ်များ

2 Kronikas 29:34

Suma ku saserdotis ka ciu ba, e ka pudiba fola tudu ki limarias pa ofertas kemadu. Pabia di kila, levitas, se ermons, e juda elis tok tarbaju kaba, nkuantu utru saserdotis na purifikaba se kabesa, pabia levitas seduba mas fiel di korson na ladu di purifikason di ki saserdotis.

2 Kronikas 30:24

Ezekias, rei di Judá, i da pobu mil turu ku seti mil karnel; ŝefis da elis mil turu ku des mil karnel. Garandi numeru di saserdotis e purifikaba ja se kabesa.

Salmus 132:16

N na bisti si saserdotis ku salbason; si pobu fiel na kanta ku kontentamentu.

Salmus 132:9

Bu saserdotis pa e kubri ku retidon; bu pobu pa e kanta ku kontentamentu!

Mateus 19:30

ma manga di kilis ku sta dianti e na fika tras; kilis di tras e na pasa dianti.

Lukas 2:34

Simeon bensua elis, i fala Maria, mame di Jesus: “E mininu i distinadu pa i pui manga di jinti na Israel pa e kai, tambi pa lantanda manga delis. I na sedu sinal ku jinti na fala kontra el,

Bon Noba di Jesus Kristu ku Jon 12:42

Mesmu asin, manga di ŝef di judeus fia na Jesus, ma e ka seta mostra, ku medu di fariseus, pa ka e serkadu na kasa di juntamentu.

Atus 12:24

Ma palabra di Deus mas na kirsi, i na spaja.

Atus 13:8

Ki jambakus, Elimas (suma ki ta comadu na lingua gregu), i fasi forsa kontra elis, pa i pudi tuji gubernadur seta fe di Kristu.

Atus 14:22

e fortifika krentis, e konsija elis pa e kontinua firmi na fe; e fala elis kuma, pa no yentra na renu di Deus, i pirsis pasa manga di sufrimentu.

Atus 19:20

Asin ku palabra di Deus kirsi, i ngaña mas puder, i spaja kada bias mas.

Atus 2:47

e ta ngaba Deus. Tudu jinti ta fika kontenti ku elis. Kada dia Siñor ta buriba kilis ki na salba, pa si igreẑa kirsi.

Atus 21:20

Oca e obi ki noba, e ngaba Deus. E fala Paulu: “Ermon, bu oja kantu milyaris di judeu ku sedu ja krentis. Elis tudu e forti na lei.

Atus 6:1

Na ki dias, suma ku numeru di krentis na buri, ki judeus ku ta papia gregu e na keŝaba kontra kilis ku ta papia lingua di judeus, pabia se viuvas ta diskisidu na ora di rapati kumida, suma ki ta fasidu kada dia.

Romanus 1:5

Pabia del no risibi fabur di sedu apostolus pa amor del, pa leba jinti di tudu rasa pa e obdisil, e fia nel.

Romanus 16:26

Gosi, pa ordi di Deus iternu, e sigridu sai na klaridadi, pabia di kartas ku anunsiaduris skirbi. I kontadu pa tudu nasons pa e pudi fia, e obdisi.

Gálatas 1:23

E obi son ña noba, kuma kil ku ta pirsigi elis, gosi i na konta aserka di ki fe ki mistiba kaba ku el.

Gálatas 6:10

Asin, nkuantu no ten manera, no fasi ben pa tudu jinti, ma purmeru pa no familia na fe.

Kolosensis 1:6

suma tambi ki bai pa tudu mundu. Na tudu parti i na kirsi, i na da frutu, suma na bo metadi tambi, disna di dia ku bo obi di grasa di Deus, bo rapara kuma i bardadi.

2 Tesalonisensis 1:8

ku fugu ku na yardi, pa kastiga kilis ku nega kunsi Deus, ku kilis ku ka obdisi Bon Noba di no Siñor Jesus.

2 Timótiu 2:9

Pabia di konta e Bon Noba ku manda N na sufri, tok N pudu korenti, suma kin ku fasi mal, ma palabra di Deus ka sta maradu.

Ebreus 11:8

I fe ku pui Abraon kudi oca Deus comal; i bai pa un lugar ki tenba ku risibi pa yardansa. Oca i sai di si tera, i ka sibiba nunde ki na bai.

Ebreus 5:9

Oca i fasidu pirfitu, i bin sedu fonti di salbason ku ka ta kaba pa tudu kilis ku obdisil.

Judas 1:20

Ma abos, amadus, bo fortifika bo vida riba di bo fe ki puru dimas. Bo ba ta ora na Spiritu Santu.

Judas 1:3

Amadu ermons, oca N na buska pa skirbi bos aserka di salbason ku no junta, N sinti garandi nesesidadi di skirbi bos logu, pa da un avisu forti pa bo pega tesu na luta pa fe ku Deus ntrega si pobu un bias pa sempri.