Atus 6:5 - BIBLIA - traduson antigu in Krioulo

⁵ Tudu fika kontenti ku e ideia. E kuji Stevon, omi incidu di fe ku Spiritu Santu, Filip, Prókoru, Nikanor, Timon, Parmenas ku Nikolau di Antiokia ku setaba riliẑion di judeus.

Atus 6:5 ပူးပေါင်းရင်းမြစ်များ

Kumsada 41:37

E planu parsi bon pa Faraó ku tudu si ŝefis.

Ditus 15:1

Bon rasposta ta kalma raiba, ma palabra duru i ta lantandal.

Ditus 15:23

Omi ta kontenti si i da bon rasposta; palabra sertu na si tempu propi i bon.

Mikeias 3:8

Ma ami, N inci ku forsa di Spiritu di SIÑOR; N sibi ke ki justisa. N ten koraẑen pa konta pobu di Israel se krimis ku pekadus.

Mateus 23:15

“Koitadi di bos, pursoris di lei ku fariseus, finjiduris! Bo ta kamba mar, bo yanda-yanda teras pa pudi ngaña un konvertidu. Dipus di bo ngañal, bo ta fasil mersidur di nfernu dus bias mas di ki bos.

Atus 11:19

Kilis ku pajigadu na pirsigison ku lanta pabia di Stevon e pasa te Fenísia, Ŝipri ku Antiokia, e konta palabra son pa judeus.

Atus 11:20

I tenba na se metadi utrus ki di Ŝipri ku Sireni. Oca ke bai Antiokia e papia ku gregus tambi, e konta elis Bon Noba di Siñor Jesus.

Atus 11:22

Noba de kusas ciga na oreja di jinti di igreẑa di Jerusalen. E manda Barnabé pa Antiokia.

Atus 11:24

El i bon omi, ku inci ku Spiritu Santu, ku fe. Manga di jinti bai pa kamiñu di Siñor.

Atus 11:26

Un anu ntidu elis dus e junta ku krentis di ki igreẑa, e nsina manga di jinti. I na Antiokia ku jinti kumsa coma krentis Kristons.

Atus 11:27

Na ki dias utru anunsiaduris bai di Jerusalen pa Antiokia.

Atus 13:1

Na igreẑa di Antiokia i tenba anunsiaduris ku pursoris, ku sedu Barnabé, Simeon ku comadu Negru, Lusiu di Sireni, Manaen ku kriadu juntu ku rei Erodis, ku Saulu.

Atus 15:22

Apostolus ku garandis ku tudu igreẑa e oja kuma i bon pa kuji omis na se metadi pa manda pa Antiokia ku Paulu ku Barnabé. E kuji Judas comadu Barsabás, ku Silas, omis di rispitu na metadi di ermons,

Atus 2:4

Na ki ora elis tudu e fika incidu ku Spiritu Santu; e kumsa na fala na utru linguas, suma ku Spiritu da elis puder di fala.

Atus 21:8

Sol mansi, no sai di la, no ciga Sesareia. No bai fika na kasa di Filip, ivanjelista, ku seduba un di ki seti ku kujidu na Jerusalen.

Atus 22:20

Oca ku sangi di bu tustumuña Stevon darmadu, N mati, N kontenti ku si mortu; ropa di kilis ku matal staba na ña mon.’

Atus 6:10

Spiritu da Stevon garandi jiresa ke ka pudi nguenta pa diskuti ku el.

Atus 6:3

Ermons, bo kuji na bo metadi seti omi di fiansa, incidu di Spiritu Santu ku jiresa, pa no ntrega elis e garandi tarbaju,

Atus 6:8

Stevon, ku tenba garandi fe ku puder di Deus, i na fasiba milagris ku garandi sinal na metadi di pobu.

Atus 7:1

Ŝef di saserdotis puntal: “E kusas i bardadi?”

Apokalipsi 2:15

Na mesmu manera bu tene tambi utrus ku na sigi nsinamentu di nikolaitas.

Apokalipsi 2:6

Ma i ten inda un kusa bon na bo: bu nuju kusa ku nikolaitas ta fasi, suma ku ami tambi N nuju el.