Atus 6:1 - BIBLIA - traduson antigu in Krioulo

¹ Na ki dias, suma ku numeru di krentis na buri, ki judeus ku ta papia gregu e na keŝaba kontra kilis ku ta papia lingua di judeus, pabia se viuvas ta diskisidu na ora di rapati kumida, suma ki ta fasidu kada dia.

Atus 6:1 ပူးပေါင်းရင်းမြစ်များ

Jo 29:13

Kil ku na muriba i ta bensuan; N ta puiba korson di viuvas pa e kanta.

Jo 31:16

“N ka tuji koitadis kil ke misti, nin N ka pui viuva pa i kansa pa pera ajuda.

Salmus 110:3

Bu tropas na pursenta di bon vontadi na dia ku bu bai gera. Suma serenu di mandrugada bu jovens na bin pa bo, fajadu ku puder sagradu.

Salmus 72:16

Pa i ten manga di trigu na tera riba di kabesa di montis. Plantas pa e balansa bonitu suma na Líbanu; jinti di prasa pa e ciu suma paja di matu.

Isaias 1:17

bo nsina fasi ben; bo fasi kil ki bon, bo juda kil ku na kalkadu, bo difindi pa orfan, bo trata kasu di viuvas.”

Isaias 27:6

Tempu na bin ku Israel, ku sedu jorson di Jakó, i na larga rais suma arvuri, i na tene botons ku floris, tok i inci mundu ku si fruta.

Jeremias 30:19

Jinti na kanta pa ngaba Deus, e na mostra se kontentamentu. N na buri elis; e ka na menusadu. N na da elis rispitu; e ka na njutidu.

Ezekiel 22:7

Dentru di bu mura e njuti papes ku mames, e kalka ospris, tudu ku orfans ku viuvas.

Malakias 3:5

SIÑOR ku ten tudu puder fala: “N na bin ciga na bo metadi pa julga, tudu pruntu pa sedu tustumuña kontra futserus, ku kilis ku ta dita ku omi o minjer ki ka di sil, kilis ku ta jurmenta na mintida, kilis ku ka ta paga se tarbajaduris, ku kilis ku ta tursi justisa di viuva, orfan ku stranjeru.

Mateus 23:13

“Koitadi di bos, pursoris di lei ku fariseus, finjiduris! Bo ta fica porta di renu di seu na rostu di jinti. Abos bo ka ta yentra; nin kilis ku sta pa yentra, bo ka ta seta elis yentra. [

Atus 11:20

I tenba na se metadi utrus ki di Ŝipri ku Sireni. Oca ke bai Antiokia e papia ku gregus tambi, e konta elis Bon Noba di Siñor Jesus.

Atus 11:26

Un anu ntidu elis dus e junta ku krentis di ki igreẑa, e nsina manga di jinti. I na Antiokia ku jinti kumsa coma krentis Kristons.

Atus 11:29

Krentis konkorda pa kada un delis da konformi i pudi, pa manda juda ermons na fe ku staba na Judeia.

Atus 2:41

Asin, kilis ku seta si palabra di bon manera, e batisadu. Na ki dia kuas tris mil jinti junta ku elis na kamiñu di Deus.

Atus 2:45

E ta bindiba se kusas di balur ku se terenu, e rapati entri elis tudu, konformi kada kin pirsisa.

Atus 2:47

e ta ngaba Deus. Tudu jinti ta fika kontenti ku elis. Kada dia Siñor ta buriba kilis ki na salba, pa si igreẑa kirsi.

Atus 4:35

E ta rapatil konformi kada kin ten falta.

Atus 4:4

ma manga di kilis ku obiba ki palabra e seta Jesus. Numeru di omis krenti i cigaba ja pertu di sinku mil.

Atus 5:14

Omis ku minjeris na setaba Siñor; numeru na buri kada bias mas.

Atus 5:28

“Nta no ka tujiba bos pa ka bo nsina na ki nomi? Ma bo inci Jerusalen ku bo nsinamentu. Tambi bo misti kulpanu di mortu di ki omi.”

Atus 6:2

Ki dozi apostolu junta krentis tudu, e fala elis: “I ka bon pa no disa konta palabra di Deus pa no bin sirbi mesa.

Atus 6:7

Asin palabra di Deus na spajaba kada bias mas. Numeru di krentis na buri ciu na Jerusalen. Manga di saserdoti seta fe di Jesus.

Atus 9:29

i na papia ku koraẑen na nomi di Jesus. I ta fala, i ta diskutiba tambi ku judeus ku ta papia gregu, ma elis e na buskaba matal.

Atus 9:39

Pedru lanta, i bai ku elis. Oca ki ciga, e subi ku el, e lebal na ki kuartu. Tudu viuvas rodial, e na cora, e na mostra kamisas ku utru ropa ku Dorkas fasiba oca ki staba ku elis.

Atus 9:41

Pedru dal mon, i lantandal. I coma krentis, tudu ku ki viuvas, i mostra elis el bibu.

Romanus 12:7

Si i di tarbaju pratiku, i ta tarbaja. Si i di nsina, pa i ten vontadi di nsina.

1 Koríntius 10:10

Ka bo ŋuniŋuni suma ku utru delis fasi, tok anju di mortu bin kaba ku elis.

2 Koríntius 11:22

E sedu ebreu? Ami tambi. E sedu israelita? Ami tambi. E sedu di jorson di Abraon? Ami tambi.

Ripitison di Lei 26:12

Ora ku bu kaba separa desimu parti di bu prudutus na terseru anu, ku sedu anu di dizimu, bu ta dal pa levita, ku stranjeru, ku orfan ku viuva ku sta na bu prasa, pa e pudi tene kusa di kume, e farta.

Filipensis 3:5

N padidu; dia di oitu N sirkunsidadu. Ami i di rasa di Israel, di jorson di Benjamin, ebreu di sangi puru. Na ladu di lei di judeu, ami N seduba fariseu.

1 Timótiu 5:3

Viuvas ku ka tene ningin, bo ta toma konta delis,

1 Timótiu 5:9

Bo pui na lista son viuva ku ciga sesenta anu, ku seduba fiel pa si omi,

Ebreus 13:1

Bo kontinua ama ŋutru suma ermons.

Tiagu 1:27

Koldadi riliẑion ku ka ten kulpa nin manca dianti di Deus no Pape i es: pa bai juda orfans ku viuvas na se kansera, tambi pa libra di podrisa de mundu.

Tiagu 4:5

Bo kuda kuma Skritura fala amonton kuma, spiritu ku Deus pui na nos i kumboseru?

Tiagu 5:9

Ka bo keŝa kontra ŋutru, ermons, pa ka bo bin julgadu. Bo oja juis na porta ja.