Atus 5:5 - BIBLIA - traduson antigu in Krioulo

⁵ Ananias kaba obi ki palabra, i kai, i muri. Garandi medu bin riba di tudu kilis ku obi ki kusa.

Atus 5:5 ပူးပေါင်းရင်းမြစ်များ

2 Reis 2:24

I vira pa tras, i jubi elis, i maldisua elis na nomi di SIÑOR. Ki ora dus ursu femia sai na matu, e padasa korenta i dus di ki jovens.

1 Kronikas 13:12

Ki dia Davi sinti medu di Deus, i punta: “Kuma ku N na tisi arka di Deus pa mi?”

1 Kronikas 15:13

Ki purmeru bias i ka abos ku bai kargal pa tisi. Pabia di kila SIÑOR rebenta ku nos, suma ku no ka puntal manera diritu di tisil.”

Salmus 119:120

Ña kurpu na tirmi ku medu di bo; N ten medu ku rispitu pa bu leis.

Salmus 64:9

Tudu omis na ten medu, e na anunsia tarbaju di Deus, e na pensa diritu na kil ku Deus fasi.

Jeremias 5:14

Pabia di kila, SIÑOR Deus ku ten tudu puder i fala: “Jeremias, suma ke fala e palabra, ami N na torna ña palabra na bu boka suma fugu. E pobu na bida leña ku na kemadu.”

Ezekiel 11:13

Oca ku N na anunsiaba, Pelatias, fiju di Benaia, i bin muri. N kai ku rostu, N grita risu, N fala: “Ai, SIÑOR Deus! Bu na kaba ku restu di Israel?”

Sirmonias 10:3

Moisés fala Aron: “Es i kusa ku SIÑOR kontaba ja, kontra i fala: ‘Kilis ku na ciga pertu di mi e ten ku rispitan suma Deus Santu. N na sedu glorifikadu dianti di tudu jinti.’ ” Aron fika kaladu.

Atus 13:11

Asin, mon di Siñor sta kontra bo. Bu na fika segu; bu ka na oja lus di sol pa un tempu.” Na ki ora si uju funguli; i kai un garandi sukuru riba del. I na yanda i na da volta pa buska kin ku pudi pegal na mon pa lebal.

Atus 2:43

Apostolus ta fasiba manga di milagri ku sinal. Tudu jinti ta fika dimiradu.

Atus 5:13

Kin ku ka seduba krenti ka ta osaba junta ku elis, ma tudu jinti ta falaba ben delis.

1 Koríntius 4:21

Kal ku bo misti? Pa N bai nunde bos ku mantampa, o ku amor ku spiritu mansu?

2 Koríntius 13:10

E ku manda N skirbi e kusas suma ku N ka sta la, pa, ora ku N bai, pa ka i pirsis pa N trata bos ku duresa, konformi otridadi ku Siñor dan. I dan el pa N kumpu; i ka pa dana.

2 Koríntius 13:2

Sugundu bias ku N bai, N avisa bos un kusa oca N staba la. Gosi ku N ka sta la, N na torna avisa kilis ku tarda peka, ku tudu utru jinti, kuma si N torna bai, N ka na diskulpa elis.

2 Koríntius 7:11

Bo jubi kuma ku Deus usa e bo tristesa, pa bo toma kusa ku seredadi, pa difindi bo kabesa, bo sinti raiba, ku medu, ku saudadi, ku interes garandi; bo staba pruntu pa kastiga ki mal; na tudu bo mostra sin kulpa ne asuntu.

Ripitison di Lei 13:11

Asin tudu Israel na obi, e na sinti medu; ningin na bo metadi ka na torna fasi un kusa mau suma kila.

Ripitison di Lei 21:21

Tudu omis di se prasa e na dal ku pedras tok i muri. Asin bu na tira ki mal na bo metadi; tudu jinti di Israel ku obi e noba e na medi.

Josué 22:20

Nta Akan, fiju di Zerá, i ka peka na ki kusa ku separadu pa Deus? Raiba ka bin riba di tudu juntamentu di Israel? Asin, i ka son el ku muri pabia di si pekadu.’ ”

Apokalipsi 11:13

Na ki mesmu ora con tirmi ku forsa; desimu parti di prasa kai. Ku ki tirmidura di con seti mil jinti muri. Kilis ku fika e medi tok e da gloria pa Deus di seu.

Apokalipsi 11:5

Si algin na buska fasi elis mal, i ta sai na se boka fugu ku ta kaba ku se inimigus. Si algin na buska fasi elis mal, i ten ku muri di ki manera.