Atus 5:31 - BIBLIA - traduson antigu in Krioulo

³¹ Deus yalsal pa i sta na si mon direita, pa i sedu Ŝef ku Salbadur, pa da Israel manera di ripindi, pa se pekadu purdadu.

Atus 5:31 ပူးပေါင်းရင်းမြစ်များ

Salmus 89:19

Un dia, bu papia na vison pa bu pobu fiel, bu fala: “N da forsa pa un soldadu di koraẑen; N kuji un joven na metadi di pobu, N dal altu pusison.

Salmus 89:24

N na sedu bon i fiel pa el; na ña nomi si forsa na aumentadu.

Isaias 43:11

Ami, ami N sedu SIÑOR; fora di mi i ka ten utru salbadur.

Isaias 43:3

Ami i SIÑOR, bu Deus; N sedu Deus Santu di Israel, bu Salbadur. N da Ejitu, Etiopia ku Seba, suma pres pa kaplintiu.

Isaias 45:21

Bo ciga juntu, bo diklara, bo konsulta sintidu di ŋutru. Disna di tempu antigu, kin ku jumna i konta e kusa, o i diklaralba ja? Nta i ka ami, bo SIÑOR? Fora di mi i ka ten mas utru Deus; i ka ten Deus justu o Salbadur fora di mi.

Isaias 49:26

N na pui bu maltrataduris pa e kume se propi karni, pa e bibi se sangi tok e cami, suma ke bibi biñu nobu. Tudu jinti na sibi kuma ami i SIÑOR, bu Salbadur, bu Libertadur, ku sedu tambi Forsa di Jakó.”

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Ezekiel 17:24

Tudu arvuris di matu na sibi kuma ami, SIÑOR, N ta bati arvuri altu; N ta pui arvuri pikininu pa i sedu altu. N ta sekusi arvuri verdi; N ta pui arvuri seku pa i bida verdi. Ami, SIÑOR, N fala e kusa, N na fasil.’ ”

Ezekiel 34:24

Ami, SIÑOR, N na sedu se Deus; ña servu Davi na sedu rei na se metadi. I ami, SIÑOR, ku fala e kusa.

Ezekiel 37:25

E na mora na tera ku N da ña servu Jakó, ku bo papes moraba nel. Elis ku se fijus ku fijus di se fijus e na mora nel pa sempri. Davi, ña servu, na sedu se rei pa sempri.

Daniel 9:25

“Obi, bu ntindi. Disna ku ordi sai pa torna kumpu Jerusalen te na tempu ku ki algin ciga ku Deus kuji pa i sedu rei, i na ten korenta i novi anu. Prasa na kumpudu ku stradas ku baletas; i na tarda pa kuatrusentus i trinta i kuatru anu, ma na un tempu di kansera.

Zakarias 12:10

“N na darma spiritu di miserikordia ku orason riba di familia di Davi ku moraduris di Jerusalen. E na oja pa ki algin ke fura, e na jimi pa el suma kin ku na cora si uniku fiju; e na cora risu pa el suma kin ku na cora risu pa si purmeru fiju.

Mateus 1:21

I na padi un fiju macu; bu na pul nomi di Jesus, pabia i na salba si pobu di se pekadu.”

Mateus 28:18

Jesus ciga pertu, i fala elis: “N dadu tudu puder na seu ku tera.

Markus 2:10

Bo na sibi kuma ami, Fiju di omi, N ten puder na tera pa purda pekadu.” I rabida i fala duenti:

Markus 4:12

pa e fasi suma Skritura fala: ‘E pudi jubi, ma e ka na rapara; e pudi obi, ma e ka na ntindi. Si i ka asin, e ta rabida pa Deus; i ta purda elis se pekadu.’ ”

Lukas 2:11

Aos na tabanka di Davi i padidu un Salbadur pa bos, ku sedu Kristu, Siñor.

Lukas 24:47

pa jinti konta di ripindimentu ku purdon di pekadu na si nomi, pa tudu nasons. E na kumsa na Jerusalen.

Bon Noba di Jesus Kristu ku Jon 4:42

E fala minjer: “Gosi i ka pabia di bu palabra ku pui no fia, pabia anos propi no obil; no sibi kuma el, na bardadi, i Salbadur di mundu.”

Atus 11:18

E kaba di obi e kusas, e kalma, e da Deus gloria, e fala: “Na bardadi Deus da tambi jinti di utru rasa ripindimentu pa e pudi tene vida.”

Atus 13:23

I na jorson de omi ku Deus tisi Israel un Salbadur, Jesus, suma ki falaba.

Atus 2:33

Manera ki sta ja riba, na mon direita di Deus si Pape, i risibi na si mon Spiritu Santu ku Deus falaba i na manda; i darma e kusa ku bo na oja gosi, bo na obil.

Atus 2:36

E ku manda i bon pa tudu pobu di Israel sibi sertu kuma, e Jesus ku bo prega na krus, Deus fasil Siñor, i fasil Kristu tambi.”

Atus 2:38

Pedru fala elis: “Bo ripindi, kada un di bos, bo batisadu na nomi di Jesus Kristu, pa bo pekadu pudi purdadu. Asin bo ta risibi Spiritu Santu ku Deus na da bos,

Atus 3:15

Bo mata Dunu di vida, ma Deus lantandal di mortu. Anos no sedu tustumuñas de kusa.

Atus 3:19

Asin, bo ripindi, bo konverti, pa bo pekadu limpadu, pa Siñor da bos tempu di arnobason,

Atus 3:26

Deus lantanda si servu, i mandal pa bos purmeru, pa i bensua bos, pa i pui kada un di bos rabida di si mau kamiñu.”

Atus 4:11

El i ki pedra ku abos pedrerus bo nega, ku bin sedu purmeru pedra di kantu.

2 Koríntius 2:10

Si bo purda algin kualker ofensa, ami tambi N purdal. Ora ku N purda (si kontra i ten kualker kusa pa N purda), N fasil dianti di Kristu pabia di bos, pa ka Satanas bin ten forsa riba di nos,

Efésius 1:7

Pabia di si sangi no libertadu, no pekadu purdadu, konformi rikesa di fabur di Deus

Filipensis 3:20

Ma anos, no prasa i na seu; di la ku no na pera Salbadur, Siñor Jesus Kristu, ku na bin

Kolosensis 1:14

na kin ku no libertadu [pa si sangi], no pekadu purdadu.

Titu 1:4

N na skirbi pa bo, Titu, ku sedu na bardadi ña fiju na fe ku no juntadu nel. N misti pa Deus no Pape ku Kristu Jesus no Salbadur dau fabur ku pas.

Titu 2:10

ka e ba ta toma kusa ku se dunu ka da elis, ma e ten ku mostra sedu sempri bon i fiel, pa e sedu un bon fajamentu na tudu kusa pa nsinamentu di Deus no Salbadur.

Titu 2:13

kontra no na pera ki dia alegri ku no pui no speransa nel, ku gloria di no garandi Deus Salbadur, Jesus Kristu, na parsi.

Ebreus 12:2

No pui uju na Jesus, kil ku no fe ta kumsa nel, i ta kaba nel. Pabia di sabura ku staba si dianti, i nguenta krus, i dispreza borgoña di ki ora; i bai sinta na direita di tronu di Deus.

Ebreus 2:10

I bon manera ku Deus, ku kumpu i nguenta tudu kusa, i fasi Jesus pirfitu pabia di si sufrimentu, pa i pudi tisi manga di fiju pa gloria. Jesus i kil ku na gia elis pa salbason.

1 Pedru 3:22

i riba pa seu, i sta na mon direita di Deus, nunde ku tudu anju ku otridadi ku puder di seu sta bas del.

2 Pedru 1:1

Ami Simon Pedru, servu ku apostolu di Jesus Kristu, N na skirbi pa kilis ku yangasa fe di garandi balur suma di nos, pabia di bondadi di no Deus i Salbadur, Jesus Kristu.

2 Pedru 1:11

Bo ta dadu entrada largu i libri na renu ku ka ta kaba di no Siñor i Salbadur Jesus Kristu.

2 Pedru 2:20

Si jinti, dipus de kapli di podrisa di mundu pabia di kuñisimentu di Siñor i Salbadur Jesus Kristu, e torna fika rodiadu, tok ki kusas bin vensi elis mas, se stadu di kabantada ta sedu pior di ki di purmeru.

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.

1 Jon 4:14

No oja, no konta kuma Deus no Pape manda si Fiju pa i sedu Salbadur di mundu.

Judas 1:25

ki un Deus son, no Salbadur, pa no dal gloria pa meiu di no Siñor Jesus Kristu, no rikuñisil suma Rei ku na manda, ku ten puder, antis di kumsada di tempu, ku gosi, i pa tudu sempri. Amen.

Apokalipsi 1:5

ku Jesus Kristu ku sedu fiel tustumuña, purmeru ku lanta di mortu, ku sta riba di reis di tera. I el ku amanu, ku si sangi i libertanu di no pekadu,